Abel faan Denemark
 Tekst üüb Öömrang |
Könang Abel (* 1218, † 29. Jüüne 1252 bi Oldenswort)
[Beårbe] Leewent
Abel wiar en däänsken könang. Hi wiar di sön faan di däänsk könang Waldemar II an wurd 1232 hertsoog faan Jütlun. Üs hi Mechthild, det doochter faan groof Adolf IV faan Holstian freid, slood hi ham mä Holstian tuup. Abel an Mechthild hed sjauer jongen:
- Waldemar III. (Schleswig) (* 1238; † 1257), hertsoog faan Schleswig 1252–1257
- Sophie (* 1240; † efter 1284) ∞ Bernhard I. (Anhalt) († 1286/87), fürst faan Anhalt-Bernburg
- Erich I. (Schleswig) († 1272), hertsoog faan Schleswig 1260–1272
- Abel (* 1252; † 1279), her faan Langeland 1261-79
Efter di duas faan san bruder, könang Erich IV "Plogpenning[1]", huar Abel ei gans ünskilag[2] bi wiar, wurd Abel uun't juar 1250 Erich san efterfulger. Könang Abel fool a 29. Jüüne 1252 uun di sliak bi Oldenswort. A Fresken wul Abel nian stüüren betaale, auer jo faan keiser Karl di Grat a "Fresk Freihaid" füngen hed. A büüren faan a hiirden Eidersteed, Everschop an Uthörn strääd jin a däänsk soldooten. Diarbi skal Abel üüb a Milderdoom bi Mildeborag amkimen wees. Leederhen wurd ferteld, Wessel Hummer faan Ual-Nuurdstrun hed Abel duadskööden.
[Beårbe] Literatüür
Albert Panten: König Abels Tod - Ende einer Legende. Uun: JbNF 16 (1980), S. 117-126.
