Eidergus

Faan Wikipedia
Waksle tu: Nawigatjuun, Schük
Amrum.pngTekst üüb Öömrang


Eidergus
Ütjwoksen eiderges (Somateria mollissima), suart-witj a mantje, at wiifke as brün.

Ütjwoksen eiderges (Somateria mollissima), suart-witj a mantje, at wiifke as brün.

Süstemaatik
Klas: Fögler (Aves)
Kategorii: Anen an ges (Anseriformes)
Famile: Anen (Anatidae)
Onerfamile: Echt anen (Anatinae)
Slach: Eidergus
Wedenskapelk nööm
Somateria mollissima
(Linnaeus, 1758)

At Eidergus (Somateria mollissima) as en fögelslach an hiart tu a anen (Anatidae). Sodenang as di nööm 'gus' ferkiard.

Slacher[Bewerke | kweltekst bewerke]

Am onerskääst sääks onerslacher:

Nöömer[Bewerke | kweltekst bewerke]

Di nööm komt faan't islunsk wurd æðr [1] an hää niks mä a Eiderstruum tu dun.

Fering-
Öömrang
Sölring Halunder Halagfresk * Mooring Wiiding-
hiirder
Karhiirder Goos-
hiirder
* Seeltersk * Frysk
eidergus
greens an
fe. hurnneeb
öö. hurnnääb
Eideren
Greenlöns En
. . * hornneeb
gräinlönjsch
. . . * . * Eider

Ütjsen[Bewerke | kweltekst bewerke]

Eidergus üüb't nääst mä eiderdünen.
Eidergus mä 'jongensguard'.
Spriadkoord Eidergus
  stunfögel   wonter-regiuunen   bräät-regiuunen


Eiderges san am 58 cm lung an sodenang en betj grater üs wil anen. Jo weeg 2,2 kg. A mantjin wurd ääler, grater an swaarer üs a wiifkin. Uun ääg as det an losag, swäämt an dükt oober gud. At nääb as üübfaalen grat an huuch, an gans föör as en letj hurn, diar komt a nööm hurnnääb faan.

A wörd as auer a rag an a brast witj. Bük, jügen an stört san suart. A nääk as laachtgreen, an at boowerhood as suart. At wiifke as güülbrün mä suart strimler. Jongfögler like a wiifkin, san oober en betj jonker an haa ei sok stark strimler.

Leewent[Bewerke | kweltekst bewerke]

Eiderges lewe uun sköölen. Jo freed sneken, kraaben an heesen. Bit 6 m jip kön's dük an diarbi ian minüüt oner weeder bliiw. A heesen wurd hial deelslonken an do uun a maag uunstaken trakt. A klian grünjen skaalen wurd weder ütjspeid, an jo letj blä-grä-witj bonker lei do aueraal bi strun.

A anen warep uun April sjauer bit sääks green-grä aier an bräät 25 bit 26 daar. Wan jo det nääst ans ferläät, wurd a aier mä dünen tudobet. A wörder teew ei, bit a jöönkin ufkem, an fersaamle jo tu hör geerels uun grat sköölen. A anen bliiw 65 bit 75 daar bi a jongfögler. Am a enken beeder skül föör kuben tu dun, slütj fiiw bit tjiin anen jo mä hör jöönkin tu sköölen tuup.

Dünen[Bewerke | kweltekst bewerke]

Fööraal üüb Islun wurd eiderdünen ufsaamelt, redet an för baadtjüch brükt.

Ferwisang efter bütjen[Bewerke | kweltekst bewerke]

Commons Wikimedia Commons hää bilen of filmer tu: Eiderges 
Wikispecies Wikispecies hää en artiikel tu: Eiderges 

Futnuuten[Bewerke | kweltekst bewerke]

  1. Kluge, Etymologisches Wörterbuch, -> "Eider"