Francis Beaufort

Faan Wikipedia
Waksle tu: Nawigatjuun, Schük
Amrum.pngTekst üüb Öömrang


Sir Francis Beaufort
üüb en bil faan Steven Pearce

Sir Francis Beaufort, ütjspreegen [boˈfort], (* 7. Mei 1774 uun Navan, County Meath, uun Irlun; † 17. Detsember 1857 uun Hove, Sussex, Ingelun) wiar hüdrograaf faan a ingelsk admiraliteet. Diar wiar hi tustendag för a best siakoorden faan jü tidj. Leederhen wurd det bekäänd Beaufort-tabel efter ham näämd.

Histoore faan't Beaufort-tabel[Bewerke | kweltekst bewerke]

Det Beaufort-tabel as goorei faan Francis Beaufort apsteld wurden. Det stamt woorskiinelk faan Alexander Dalrymple, di hüdrograaf faan a "East India Company". An Dalrymple hää det faan a winjmalern ufluket.

Sin leewent loong hää Beaufort daibuken auer't weder skrewen. An 1806 skrääw hi diar iin, dat hi faan do uf uun det määcht faan a winj efter en tabel mä 13 straaler beskriiw wul. Det begand mä "luuwen" an hääl ap mä "sturem". 1807 hää hi det tabel widjer ferbeedert, an Beaufort skrääw ap, hün saiel en folskap bi hün winjmäächt dreeg küd. Bi 5 Beaufort kön noch aler saiels stunen bliiw, faan 6 uf uun skal do ian efter't ööder bürgen wurd.

1829 wurd Beaufort hüdrograaf faan a ingelsk admiraliteet, an faan 1838 wurd sin tabel amtelk iinfeerd. Det hed tu jü tidj oober noch nään nööm, an iarst 1906 hää a ingelsk wedersiinst Met Office det tabel tu't iarst tooch üs "Beaufort scale" betiakent.

Beaufort-tabel[1][2][3][Bewerke | kweltekst bewerke]

Beaufort numer Beskriiwang Faard faan a winj Hööchde faan a waagen Skak üüb sia Skak üüb lun Bil faan't sia
0 Luuwen < 1 kilomeeter per stünj (km/h) 0 meetern (m) Stal sia. Riak sticht lik amhuuch. Beaufort scale 0.jpg
< 1 miil per stünj (mph)
< 1 knoot (kn) 0 ingelsk fut (ft)
< 0.3 meetern per sekund (m/s)
1 Flau 1.1–5.5 km/h 0–0.2 m Weeder krüüselt. Riak sticht ei muar lik amhuuch, an dü könst kään, hü a winj weit. Beaufort scale 1.jpg
1–3 mph
1–2 kn 0–1 ft
0.3–1.5 m/s
2 Flau briis 5.6–11 km/h 0.2–0.5 m Kurt waagen mä glääsag krüün. Bleeden rasle, winj as üüb a hidj tu marken. Beaufort scale 2.jpg
4–7 mph
3–6 kn 1–2 ft
1.6–3.4 m/s
3 Letj briis 12–19 km/h 0.5–1 m Lunger waagen, mä enkelt witj krüünen. San twiigen reer jo, letj flagen wei ütj. Beaufort scale 3.jpg
8–12 mph
7–10 kn 2–3.5 ft
3.4–5.4 m/s
4 Gud briis 20–28 km/h 1–2 m Laben sia, lung waagen mä witj krüünen. Twiigen reer jo, a sun stoft, papiir weit wech. Beaufort scale 4.jpg
13–17 mph
11–15 kn 3.5–6 ft
5.5–7.9 m/s
5 Frisk briis 29–38 km/h 2–3 m Laben sia, lung waagen, aueraal witj krüünen, enkelt sküm. Letj buumer reer jo, a winj rüüset. Beaufort scale 5.jpg
18–24 mph
16–20 kn 6–9 ft
8.0–10.7 m/s
6 Stark winj 39–49 km/h 3–4 m Rüch sia, aueraal sküm. Stark twiigen reer jo, a winj brüüset, uffaaltanen kap am. Beaufort scale 6.jpg
25–30 mph
21–26 kn 9–13 ft
10.8–13.8 m/s
7 Stif winj 50–61 km/h 4–5.5 m Rüch sia, sküm weit ütj uun strimler. Buumer reer jo, jin a winj luupen woort beswiarelk. Beaufort scale 7.jpg
31–38 mph
27–33 kn 13–19 ft
13.9–17.1 m/s
8 Hard winj 62–74 km/h 5.5–7.5 m Huuch sia, sküm weit aueraal ütj uun strimler, weeder sprütjet ambi. Stark buumer reer jo, twiigen breeg uf, jin a winj luupen knaap noch mögelk. Beaufort scale 8.jpg
39–46 mph
34–40 kn 18–25 ft
17.2–20.7 m/s
9 Sturem 75–88 km/h 7–10 m Huuch sia, a waagen breeg auer, sküm weit mä a winj wech, sprütjin weeder behanert at sicht. Stark twiigen breeg uf, enkelt saagpoonen faal deel. Beaufort scale 9.jpg
47–54 mph
41–47 kn 23–32 ft
20.8–24.4 m/s
10 Swaar sturem 89–102 km/h 9–12.5 m Huuch sia, waagen breeg aueraal, weeder as witj faan sküm. Enkelt buumer breeg am, skaaser bi hüsang. Beaufort scale 10.jpg
55–63 mph
48–55 kn 29–41 ft
24.5–28.4 m/s
11 Böös sturem 103–117 km/h 11.5–16 m Swaar sia, weeder weit lik tu sidj, loft woort ünsichtag. Buumer breeg am, a winj brolet, saagpoonen wei deel, autos wurd amsmeden. Beaufort scale 11.jpg
64–72 mph
56–63 kn 37–52 ft
28.5–32.6 m/s
12 Orkaan ≥ 118 km/h ≥ 14 m Swaar sia, sia an loft san witj faan sküm an weeder. Swaar sturemskaaser aueraal, raidsaagen riiw eeben, wönangrütjen baarst. Beaufort scale 12.jpg
≥ 73 mph
≥ 64 kn ≥ 46 ft
≥ 32.7 m/s

Ferwis efter bütjen[Bewerke | kweltekst bewerke]

Commons Commonskategorii: at Beaufort tabel – Saamlang faan bilen of filmer

Futnuuten[Bewerke | kweltekst bewerke]

  1. Det Beaufort-tabel wiar di bidrach faan't Nuurdfresk Wikipedia tu't "Tams Jörgensen prisapgoow 2011" faan't Nordfriisk Instituut.
  2. Beracht auer di wäädstridj faan't NFI
  3. Beracht auer di wäädstridj uun't Nordfriesland Tageblatt
Diheer artiikel luanet det leesen.
Didiar artiikel as di 1. September 2011 uun det list faan gud artiikler, diar det leesen luane apnimen wurden. Uun uugenblak jaft at diar 56 faan.