Friisnakigiraat

Söl'ring

En "Friisnakigiraat" es en Fiirsnaker (Dütsk: Fernsprecher, Telefon), hur em niin Hiirer ön di Hun hual brük.

Hat jeft forskelig Plaatsen, hur em sawat brük ken.

Ön't Hüs

Hat jeft fuar't Friisnaki iin ön't Hüs forskelig Giraaten:

Fiirsnaker me Mikrofoon diarbenen

Dit jeft et al lung (Sent ombi 1990). San Fiirsnaker ken em me di normaal Hiirer of aur dat Mikrofoon nüti, wat diar iinbecht es.
Fuar friitösnaki skel em en Knop (Miisttirs me en Gurtemsnaker-Teeken diarüp) drüki.

Di jerst Giraaten fan des Systeem hee Probleeme aur jaar Duplex-Systeem. Dit jit, dat di Fiirsnaker tö't Bispöl meent, em sair wat, en da giar di iinbecht Gurtemsnaker üt. Da ken em di Üđer ek muar hiir, en dit pasiariti mesken jüst, wan di wat forklaari wel. Miisttirs kām dit, wan dat Mikrofoon olter gau "önspreek", wan em höm tö'n Bispöl bluat en Kop Kofi iinskeenkt.
Des "Failer" es rocht gau törochtfingen uuren. Dit Probleem es man dach weđer kemen: Wan em deling bi di Reekenmaskiin set en san Fiirsnaker binütit, da ken em ek gur wat iintipi, wan di Üđer wat sair. Da giar di Gurtemsnaker weđer üt, aurdat di Fiirsnaker "teenkt", em sair wat.
Em kan man gans gur liir, en bet üptöpasi, en da giar dit waker.

Fuar di Reekenmaskiin (PC)

Dit es hentö't Jen fan di niigentiger Jaaren āpkemen, üs di Reekenmaskiinen wat gauer uur en di Bidrefts-Systeeme muar üs jen Program metjens biaarberi kür (Multitasking).
Diar kür em Soundkaarten koopi, wat "Duplexfähig" wiar. Dat jit, dat fan tau Siren üpjens jen snaki ken, söner dat et Probleeme jeft.
Fuar san Giraat brükt em en Fiirsnakiprogram ön di Reekenmaskin, en Soundkaart, wat "duplexfähig"es en en Headset. Dit es en Haurhiirer me en Mikrofoon diarön.

Probleeme heer't diaraur ek olterfuul jefen, man üs lung, üs dit me Kābel giar, wiar dit langsen san bet "Fumelkraam". Deling jeft et uk Systeeme wat söner Wiir gung, dit aarbert uk rocht waker.

Dat iinsigst es, dat em diarfuar Bateriien brükt en em me san Giraat en Sender (Iin ön't Headset) üp Haur draii skel. En da weet ja nemen sa rocht, weđer em diarfan ek kraank uur.

Bi't spatsiari, üp Rad

Knop me Kābel

Wan em deling (2010) en nii Funk-Fiirsnaker fo, da es miisttirs en Headset diar bi. Aaftinoch es dit bluat san Knop, wat iin ön't Uur stopit uur me en Stek Kābel diarön, wat hentö di Fiirsnaker giar. Ön des Knop sen Mikrofoon en Gurtemsnaker töhopbraacht.
Wa em sawat haa, ken em di Fiirsnaker iin ön di Jakenfek steek en me di Hunen ön di Boksfeken snaki.
Miisttirs es bi sawat man dach dat Kābel en bet kuurt, diar skel em en bet üppasi, wat em koopit.

Söner Wiir

Hat let höm al teenk, dat et dit nü uk söner Wiir jeft. Di Funktechnik fuar sok Giraaten jit miisttirs Bluetooth. Hat es ja iinfacher tö binüti, man em haa di Sender ek bluat üp Haur (Üs bi di wiirluas Headsets), nü steeekt em di uk diar iin. Fuar di Sender brükt em da "natüürlich" en Baterii, fuar't miist san litj Jen, me Kweksölwer diarbenen.

Em skel hol weet, dat em fan't Gisets me niin Köörtjüch köör mut, wan em en Fiirsnaker ön di Hun hual't.

Diaraur skel em jen fan di Systeeme fuar Spatsiarigunsters nemen, wan em me Rad önerwai es.

Ön di Wain

Hat jeft et uk ekstra Giraaten fuar Autos, wat iinbecht uur:

• En Fastiinbechning es en kompleti Giraat me Hiirer, binai üs en Fiirsnaker fuar itüüs. Di aarberi uk sa, man di Gurtemsnaker sen miisttirs di fan't Raadio, en dat Mikrofoon kumt miisttirs boowen lefts aur di Winjskiif önbraacht.

• En Önlaag me Steker aarbert uk aur't Raadio, en di ken dit uk litjem maaki, wan't Raadio san Önslüt heer. Des Giraaten sen langsen di salev Kest, hur et forskelig Adapters fuar di forskelig Funkfiirsnakers fuar jeft.

• En Önlaag söner Steker aarbert aur Funk. Dit giar miisttirs aur Bluetooth. Di Kest diarfan es ek fuul üđers āpbecht üs di Anlaag me Steker en aarbert uk liksa, man di heer hok Fuardiilen:

1. Di Funkfiirsnaker uur "fünen", em brükt di ek iinsteek
2. Di ken fan di Fiirsnaker "lees", en sa ken dit, want diarbenen spikert es, önweegit uur.
3. Hat es senerk iinfach, des Giraaten fuar Spreekstjüüring iintörocht, aurdat em diar aur en Laptop me Bluetooth nii Wersioon fan dit Program, wat diarbenen es, henstjüüri ken (Min Anlaag ken nü "snaki", dit kür jü di jerst tau Jaaren bluat, wan ik en Fiirsnakinumer "diktiari" wel.).

Bi di miist Önlaagen es en Anteni fuar büten bilair, wat em hol binüti skel.

Sekerhair

Hat es noch sekerer, en haa di Hunen frii fuar me di Wan tö köör, wan em diarbi fiirsnakit.
Weetenskeplers fan Ameerika wel nü man ütfünen haa, dat di Haur dit gaar ek skafi ken, dat em fiirsnakit en köört.

Wan wat pasiarit, da es em langsen di Dumi, wan em fiirsnakit haa en jen ken dit biweegi.