Hias

Tekst üüb Öömrang

Hias mä hiaskrüüs.

Hias (sö. Hiiđ of Hiir) as di nööm faan en lunskapslach.

Beskriiwang

A hias hää en skraalen of süren grünj. Diaram waaks diar fööraal hiaskrüüs, ööder hiasplaanten an sjüüren. Bekäänd hiaslunskapen san a Lüneburger hias of a Dresdner hias. Jo kem fööraal uun Nuurdsjiisklun föör.

Huar hias föörkomt

Iar jääw't a hias bluas bi a küsten, huar nian buumer waaks (so üs üüb Oomram of Sal), uun muuren of ap uun a berger. Uun Nuurdsjiisklun san för a büürerei oober uk grat buumlunskapen ufholtet wurden, so üs bi Lüneburg. Wan a büüren det skraal lun do efter juaren apjiwen haa, kaam a bööke- an iakebuumer oober weder turag. Wan't auerdrewen wurden as mä a büürerei, do as a grünj ütjweid bit deel üüb a sun, so dat at daalang uun't banlun sogoor "banendüner" jaft.

Plaanten üüb a hias

• Hiaskrüüs
• Hiasruus
• Swinbei
• Sjüüren
• Wacholder

Bilen

Lüneburger hias

Luke uk diar

 Commonskategorii: Hias – Saamlang faan bilen of filmer