Kiarkreis
 Tekst üüb Öömrang
|
Diarmad leit a ekwaator (laachtblä).
A kiarkreiser san tau eerdkreiser üüb det geograafisk breetje 23° 26′ 05″ N(Nuurd) an 23° 26′ 05″ S(Süüd). Diar skinjt a san lik faan boowen deel, wan a somer begant. Di somer begant üüb a nuurdelk eerdheleft di 21. Jüüne an üüb a süüdelk eerdheleft di 21. Detsember. Tesken a kiarkreiser lei a troopen. An maden uun a troopen leit a ekwaator. A kiarkreiser san ~2609 km faan a ekwaator wech.
Juarstidjen[Bewerke | Kweltekst bewerke]
Det geograafisk breetje, huar a san lik faan boowen deel skinjt, feranert ham auer't juar mä a juarstidjen. Di nuurdelk kiarkreis as det nuurdermiast geograafisk breetje, do kiart a san am an en hualew juar leeder skinjt a san üüb a süüdelk kiarkreis lik faan boowen deel.
Det wurd troopen komt faan't ualgreks uf: τρόποι Ἥλιου (trópoi Hēliou), an det ment: huar a san amkiart.