Maike Ossenbrüggen

Söl'ring

Maike Ossenbrüggen, bēren Andersen (* 23.11.1939) es en Wüfhaur fan Kairem.

Marker bi di Foriining, en "Wirbelwinj" Maike Ossenbrüggen mut ek waani.

Leewent

Maike Andresen kumt fan en Buernhofstair ön Kairem me masi Jungen. Jen fan höör Brüđern wiar "Claus "Dochter" Andersen, en Dochter fuar Diirtern. Maike Ossenbrüggen fuan Famiilii en Bruarwening iin ön en ual' Hüs bi di Kairemer Gurtstig. Jü friiti 1962 di Postmaister Jan Ossenbrüggen fan Hamborig, en jat fing tau Dreengen, Nils (1963) en Jörn (1965). Höör Man skul jest jens Söl'ring liir, wan hi naa Söl' kām, dit giar üđers ek.
Fan Kairems Wanel "vom Kuhdorf zum Kurort" fing di Ossenbrüggens jaar Bruarwening maaket. Ja haa en Appartement-Forhüüring iin ön jaar Uunihüs. Aur lungi Jaaren her jat uk en Hüs "bi di Ingi", ek olter fiir fan Claus Dochter sin Hüs, hur di Dreengen uuni kür en hur uk Uuningen fuar Baariliren benen wiar.

Aarber fuar di Söl'ring Spraak

Maike Ossenbrüggen es di Fuarsetendi fan di Sölring Foriining. Jü heer masi Komeedii me Popen üp Söl'ring maaket. Fan höör kām di Taacht, di Söl'ring Önerrocht tö bigen, en Kursus ön di Wunter, hur Freemern en Söl'ringen di Söl'ring Spraak liir ken. Des es al sent di tachentiger Jaaren ön di Gang, en Skuulmaisters wiar Liren üs Brunhilde Hagge en Erk-Uwe Schrahé. Hat jeft diar en Kursus fuar Bigensters en jen fuar des, diar al wat liirt haa. Fuar Liren, diar sa gaar niin Tir haa, heer Maike höör uk jit en "Crashkurs" üttaacht, man des Liren fuan fuar't Miist uk diarfuar niin Tir.
Di Kursi waar aur lung Jaaren me en Öfslütinj ön di Uurs bislööten. Des Jaar (2013) wel em man "di Popen daansi let": Di Skuulsters skel Komeedii me Popen spöli, Theema es "Daagligs Dai bi C. P. Hansen".

Masi heer Maike Ossenbrüggen uk fuar di Brükdomsaarber dönen. Sa heer jü uk di Drachtenker fuar Jungen bi di Söl'ring Foriining grünet.

Aur Maike Ossenbrüggen ken em sii, dat jü di Aarber fan üđer Liren aur di Maaten hoog achtet. Hat es höörsalev fuar bal niin Taacht tö skaar en nem höör Tir diarfuar. Fan höör Ideen sen masi Iinrochtingen uuren, wat lung waari kür.

Jü heer ön di tachentiger Jaaren di C.P. Hansen-Pris fingen.

Maike Ossenbrüggen kumt ön di Film "Inselklang" (2005) fuar.