Meew

Faan Wikipedia
Waksle tu: Nawigatjuun, Schük
Amrum.pngTekst üüb Öömrang


Meew
Meew (Larus canus)

Meew (Larus canus)

Süstemaatik
Klas: Fögler (Aves)
Kategorii: Kuben an waadfögler (Charadriiformes)
Famile: Kuben (Laridae)
Slach: Meew
Wedenskapelk nööm
Larus canus
Linnaeus, 1758

At meew (Larus canus) hiart tu at fögelfamile faan a kuben (Laridae).

Nöömer[Bewerke | kweltekst bewerke]

Fering-
Öömrang
Söl'ring Halunder Hali-
freesk
* Mooring Wiring-
hiirder
Karhiirder Goos-
hiirder
* Seeltersk * Frysk
fe. letj kub
öö. meew
Kaukmö Letj Buur . * wite
heefföögel
latj kub
. . . * Seemeeske * Unwaarsfûgel

Ütjsen[Bewerke | kweltekst bewerke]

En ütjwoksen meew liket at triituankub, woort 43 cm grat an hör jügen spään 120 cm. Meewen weeg 300 bit 550 g, a feedern san witj, boowen üüb a jügen grä. A spasen faan a jügen san suart an witj, a nääb an a bian greengüül. Jongfögler sä iarst efter trii juar so ütj. Mantjin an wiifkin könst dü faan't ütjsen ei ütjenööder hual. Meewen wurd böös ual; det äälst meew, wat am fünjen hää, wiar 33 juar ual.[1] Normool as wel so am 20 juar.

Leewent[Bewerke | kweltekst bewerke]

Jöönkin

Efter trii juar began meewen tu brääten, det bräättidj as faan Mei bit Jüüle. Lefst bräät meewen uun koloniin uun a naite faan't weeder. A nees haa miast trii aier an lei 5 bit 20 m ütjenööder. Bias aalernfögler bräät a aier 23 bit 28 daar loong, bit a jöönkin ufkem. Efter sjauer bit fiiw weg kön's flä.

Meewen lewe miast bi a küst, knaap ans uk uun't banlun. Dü fanjst jo fööraal uun Nuurd- an Madeleuroopa. Enkelten auerwontre uun't banlun of waanre tu Süüdeuroopa.

Freeden[Bewerke | kweltekst bewerke]

Meewen freed fööraal fask. Bütj det mei's oober uk wirmer, insekten an uffaal. Jüst so üs a suarthoodet kuben sjük's uk uun't granthool of üüb ääkern ales, wat's freed kön.

Luke uk diar[Bewerke | kweltekst bewerke]

Commons Wikimedia Commons hää bilen of filmer tu: Meewen 
Wikispecies Wikispecies hää en artiikel tu: Meewen 

Futnuuuten[Bewerke | kweltekst bewerke]

  1. Hüppop. K. & O. Hüppop: Atlas zur Vogelberingung auf Helgoland, Vogelwarte 47 (2009), Sidj 214