Pingster
 Tekst üüb Öömrang
|
uun't Rabbula-Evangeliar (586)
Pingster (ualgreks πεντηκοστή ἡμέρα pentekostē hēméra ‚di föftagst dai‘) as en krastelk fest. Diar woort det ütjsjüüren faan a halag geist feiert. Hat as leewen di föftagst dai efter Puask, det ment di 49. dai efter Puasksöndai, an as sodenang uk leewen üüb en Söndai.
Uun't Nei Testament woort ferteld, dat di halag geist auer Jiises sin mäfulgern kaam, üs jo tu det jüüdsk fest Schawuot (τὴν ἡμέραν τῆς πεντηκοστῆς ‚tu a föftagst dai‘) uun Jerusalem tuup kaam. Didiar dai woort üs gebursdai faan't Krastendoom uunsen.
Pingstsöndai[Bewerke | Kweltekst bewerke]
| Juar | Latiinsk Sark |
|---|---|
| 2023 | 28. Mei |
| 2024 | 29. Mei |
| 2025 | 8. Jüüne |
| 2026 | 24. Mei |
| 2027 | 16. Mei |
| 2028 | 4. Jüüne |
Det dootem faan a Pingstsöndai hinget faan a Puasksöndai uf. Jüst so üs a Juuden feire uk a Krasten Pingster sööwen weg efter Puask.
Sodenang as di Pingstsöndai leewen tesken a 10. Mei an a 13. Jüüne. Dat Pingster so ääder of so leed san, kaam oober sant di Gregoriaans kalender iinfeerd wurden as, iarst sjauersis föör: Üüb a 10. Mei uun a juaren 1598, 1693, 1761 an 1818 (naist tooch: 2285). An üüb a 13. Jüüne uun a juaren 1666, 1734, 1886 an 1943 (naist tooch: 2038)
Spreegwurd[Bewerke | Kweltekst bewerke]
- Pingster spring aal a jong hingster. [1]
Kwelen[Bewerke | Kweltekst bewerke]
- ↑ Volkert Faltings an Reinhard Jannen: Fering-Öömrang Spreegwurdleksikon, Hüsem 2012
Luke uk diar[Bewerke | Kweltekst bewerke]
Commonskategorii: Pingster – Saamlang faan bilen of filmer
Wikiquote: Pingster (sjiisk)
Wikisource: Pingster (sjiisk)