Traachter
Üt Wikipedia
 Söl'ring |
En Traachter (lat: traiectorium) es en Giraat, fuar Wiitighairen of Polvern iin ön Faten of Flasken me litj Höölern tö fingen, dat diar nönt ön Staal of Böört falt.
Beeter Traachtern haa en litj Röör iin ön't Röör, dat di Lucht, wat ut dit Fat drükt uur, üt ken.
Wan em Wiitighairen iin ön wat haa wel, hur dit Hol tö Siir weegit, da skel em en Traachter me en wuk Röör haa. Da giar dit, wat diar iin skel, om di Huk.
Hat jeft jit ekstra Traachtern fuar Labooren:
Wan em di fast Diilen üt en Suspensjoon haa wel, da skel em di wiit Diil diarfan treni. Diarfuar jeft et di "Hirsch-Traachter" of di "Büchner-Traachter" me en Röör üp Siir.
