Autonoom Eestlun Guwernement

Tekst üüb Fering

Guwernöör Jaan Poska

Det Autonoom Eestlun Guwernement (üüb Eestnisk: Autonoomne Eestimaa kubermang; üüb Rüs: Автоно́мная Эстля́ндская губе́рнія Avtonómnaja Estljándskaja gubérnija) wiar faan de 12. April 1917 faan de 24. Febrewoore 1918 en autonoom guwernement uun det Rüs Republiik.

At guwernement wurd faan det ual Eestlun Guwernement an at nuurddial faan det Liiflun Guwernement, üüs resultoot faan det Rüs Rewolutsioon, skeeben. Jaan Poska, a bürgermeister faan Tallinn, wurd guwernöör. Uun Mai an Jüüne 1917 wiar frei muarparteienwoolen tu't prowinsfersoomling (üüb Eestnisk: Maapäev). De 5. Nofember 1917, Bolschewiken oner Jaan Anvelt auernaam at meecht. Narva an Iwangorod wurd de 3. Janewoore 1918 dial faan't guwernement.

Uun Febrewoore 1918, efter a freesferhandlingen twesken Tjiisklun an a Bolschewiken tu niks kaam, besaat det Tjiisk Armee det hial Eestlun. Een dai föör det Tjiisk Armee marschiaret iin uun Tallinn iin, draapt ham de 24. Febrewoore 1918 at Maapäev an ferklaaret at suwereniteet faan Eestlun.