Beton

Faan Wikipedia
Waksle tu: Nawigatjuun, Schük
Sylt2.png Söl'ring


Beton uur fan Zement en Sön sa üs uk Töslachstofi maaket.

Wan em diar en Saalt tödēr, ken em weetertecht Beton maaki (Wit Wani).

Wecht eeđer di Aart[Bewerke | Kweltekst bewerke]

Jen Kubikmeeter Beton wecht ombi 1.800 kg, dit jit 1,8 Tenen.
Dit Wecht eeđer di Aart es 1,8g/cm³ of 1,8 kg/l of 1,8 t/m³.

Maakin fan Beton[Bewerke | Kweltekst bewerke]

Em nemt mener Beton en muar Sön. Di Zement halt dit töhop man di Töslachstof Sön drait.
1:3 jeft en mal hart en "blö" Beton, fuar Önerbeton leengt uk 1:4 bit 1:5, senerlig, want em diar en bet Grant of Split me iinsmit.
Eeđer di Krich wiar em knap me Zement, en da jeet dit uk: "Eins zu acht wird auch noch hacht", des Beton kür em da man sa wechfaagi, di höl ek olterfuul üt.

Sküüvkaar[Bewerke | Kweltekst bewerke]

Em ken Beton iinfach iin ön en Fat of en Sküüvkaar töhoprööri. Wan dit ek sa fuul es, da ken em diarfuar en Röörwerk nüti.

Betonröörmaskiin[Bewerke | Kweltekst bewerke]

En üđer Methoodi es di Betonröörer, diar me en Önerseeting fan en 600 of 700 W-Motoor bit tö 160 Litern (Ombi 280 kg) döörrööri ken.

Betonröörauto[Bewerke | Kweltekst bewerke]

Ön Betonwerki uur di Beton iin ön en Röörauto me en gurteri Fat smeten, en dit Fat drait höm aur di hiili Faart. Wan des Auto bi di Bechstair es, da uur di Beton aur en Rini iin ön dit Hol leten, hur dit henskel. Som Maskiinem haa uk Betonpompen, diar hur di Beton iinlapt, en da ken dit fuar en Beton-Aurskot of Estrich uk boowen henpompet uur. Dit jit "Ortbeton".

Betondiili[Bewerke | Kweltekst bewerke]

Som Betonwerki maaki uk Betondiili, dānen drüch iinbecht uur. Diar kumt bluat en bet wiit Beton öner, dat dit klüvt en techt uur.

Skelbeton[Bewerke | Kweltekst bewerke]

Fuar Skelbeton ur en Skel fan Holt becht, aaft kum diar Iirsen iin en da kumt diar di Beton iinpompet. Wan di beton da hart es, kumt di Skel wech, fuar't Miist üp Skramel. En nii Methoodi es en Skel fan Wuks, dit ken achterön weđer wuk maaket uur, en em ken diar nii Skelen fan maaki.