Bié (Prowins)

Tekst üüb Fering

Det Bié Prowins (üüb Portugiisk: A Província do Bié) as en prowins uun de aafrikoons stoot Angoola. At prowins leit uun a maden faan’t lun, uun’t Huuchlun faan Bié, huaruun föl faan a struumer uun Angoola a uursprünger haa. Uun a nuurdwaast leit det Cuanza Sul Prowins, uun a nuurduast lei dön Malanje an Lunda Sul Prowinsen, uun a uast leit Moxico Prowins, uun a süüduast Cuando Cubango Prowins, uun a süüdwaast Huíla Prowins an uun a waast Huambo Prowins. Det hee 1.338.923 lidj (2014)^[1]. At hoodsteed as Kuito.

Geografii[Bewerke | Kweltekst bewerke]

Struumer[Bewerke | Kweltekst bewerke]

Tau struumer haa hörens hööd uun det Bié Prowins. Ian, de Cuanza Struum, hee sin hood uun a süüd faan't prowins. Hi leept tu a nuurd an bildet dial faan't grens mä det Malanje Prowins. De öler, de Cubango Struum, hee sin hood uun a waast faan't prowins. Hi leept tu a süüd an bildet a grensen mä dön Huambo an Huíla Prowinsen. En öler struum, de Cutato Struum, bildet dial faan't grens mä det Huambo Prowins an leept troch a nuurd faan't prowins.

Indialing faan Ferwalting[Bewerke | Kweltekst bewerke]

Bié hee njüügen kreiser (municípios), wat iin uun komuunen (comunas) diald wurd.

	Kreis	Grate^[2]	Lidj (2014)^[3]	Hoodsteed
1	Andulo	10.845	234.791	Andulo
2	Camacupa	9469	141.760	Camacupa
3	Catabola	3028	118.285	Catabola
4	Chinguar	3054	117.470	Chinguar
5	Chitembo	19.998	68.581	Chitembo
6	Cuemba	11.601	50.978	Cuemba
7	Kuito	4814	424.169	Kuito
8	Cunhinga	1509	69.238	Cunhiga
9	N'harea	7560	113.651	N'haréa