De Grööe/mo
- <- De Grööe (haliifreesk)
 Täkst aw mooringer frasch |
E Groue unti e Groue-Aapellönj as iinj foon da nordfrasche hålie. Jü mååged tuhuupe ma Hååbel en gemiinde önjt Åmt Pelweerm önj e Kris Nordfraschlönj. Önj jüdeer gemiinde booge 13 manschne (2011), åål aw e Groue. Aw Hååbel booget bloot önj e samer en awpååser foon e Verein Jordsand.
Geografii
[Bewerke | Kweltekst bewerke]
Twasche e Groue än e fååstewål läit di Ruchelai-Sönj. Tut ååsten läit Hååbel. Üülönj än e Nees lade tut norden än nordweesten, än san schåås foon e Groue döör e Slüt, wat bai Slütsil ouf foon e fååstewål eefter büten gungt.
E Groue heet twäär weerwe: e Knüdsweerw än e Schörkeweerw. Önj iinj iirs tid läit e håli döör e bånk twunti bit dörti tunge blånk. Dan bliwe bloot nuch da biinge weerwe dröög. Biinge weerwe san bebooged, e schörkeweerw ouers bloot, wan deer en schöljmäister aw e Groue as. Aw e Knüdsweerw stönje fjouer hüsinge, aw e Schörkeweerw stoont bloot jü schörk ma iinj boog tu e schöljmäister. Sunt 2012 as dåtdeer boog lääsi.