Engelsk Kiino (Söl)

Faan Wikipedia
Di Bidrach "Engelsk Kiino (Söl)" staant eksklusiif ön di Nuurđfriisk Wikipedia!
Söl'ring


Dat Engelsk Kiino fan 1953 es üs en Teenkstair āpskrewen.
Dat Engelsk Kiino 1953, da wiar't nii becht.

Dat Engelsk Kiino es en Bechning fan 1953, wat di Engelsk "Bisatsungsmacht" üp't Areaal fan di Militeer-Flugplaats becht heer.
Di Dütsk Bundsweer heer dit ön't Jaar 1961 aurnomen, en bit hentö 1980 kür diar Filmi önluket uur.
Da waar me di Kiinobidreft āphualen, man em kür diarbenen jit wat biluki, wan en Projektor diarhen braacht uur.

Senerli es ön des Bechning, dat diarbenen uk en Büüni me en Orkestergraav diarfuar es.

Sent 2005 uur dat Hüs ek muar nütet, aurdat di Bundsweer fan Söl wechgingen es.

Teenkstair of dach ek?[Bewerke | Kweltekst bewerke]

Dat Engelsk Kiino stön sent 2007 öner Teenkstairensküül[1][2]

Di Gimiindi wil likert des en uk di Halen 25 en 28 wechriiv, dat em "Ökopunkti" me't Renaturiarin forkoopi kür. Bi di Halen 25 en 28 waar ofstemet, dit Engelsk Kiino waar twesken 2013 en 2017 wechrewen.

Skelter[Bewerke | Kweltekst bewerke]

Büten

Benen

Töhopfaating fan di Biskriiwing[Bewerke | Kweltekst bewerke]

Dat Lönsamt fuar Teenkstairen meent, dat et en Bechning sa üs dat Engelsk Kiino üp Söl bluat jens ön Sleeswig Holstiin jeft.
Dit hinget me di forskeligst Taachten töhop.
Di Teenkstairenpleeger heer (üp Dütsk) āpskrewen, wat aur ditdiar Bechning senerlig es, en hurom dit ek ofrewen uur skel.


Dat Engelsk Kiino

Büten[Bewerke | Kweltekst bewerke]

wan em dat Engelsk Kiino fan boowen biluket, da sjocht et üt üs en "T". Dat Bechning heer en lung Saal, en diarfuar staant en Twertdiil me tau Laagen, hur em iingair.
Fuar des Diil fan't Bechning es en Fuarplaats, wat hooger liit üs dit wat trinjom es. Rochts en lefts fan des Plaats sen stiinern Kwaaders tö bilukin.
Tö biiring Siren fan di Trap wat diar hen giar, sen litj Stölpen henbecht uuren.

Saaldiil[Bewerke | Kweltekst bewerke]

Di Saal es ek jüst sa breer üs dat Twert- of Haurbechning. Diarom es uk en gurt Forskel tö des tö bilukin, en dit kumt uk, aurdat didiar Iingangsdiil fan Ruar Stiiner becht es.

Di Saaldiil es muar me Zementpots maaket. Ön ark Sir sen man soowen Stripen fan Ruarstiin iinbecht, wan fan boowen tö önern gung (Ruarstiin-Liseeni).
Diarom sjocht des Diil wat kuurter üt üs di es.

Twertdiil[Bewerke | Kweltekst bewerke]

Aur di gurt, debelt Düüren ("Iingangsportaal") giar en Taak hen, wat frii drait. Des jeft dat Bechning en senerlig Lechthair.
Aur des "Flocht-Taak" giar en Reeg fan fjuur Wininger langs, wat di Breedji en bet naa boowen streekt, sa dat dat Hiili wat wuchtiger ütsjocht.

Ön des Reeg fan Wininger sen fuar't Miist uk Ruarstiiner tö se, man diartwesken sen Stripen fan Zementpots maaket.
Em skul beeter sii, dat diar Ruarstiiner en bet üt di Wuch luki en aurpotset sen, sa dat et Liseenen uur.
Fan des Stripen sjüünt dit hiili Bechning üs töhophingend, wat man dach aktsentuiaret ütsjocht.
Öner di Winiger sen jit sa "Boloogen", wat noch di Meening fan Moderniteet ön di 50er Jaaren weegi.

Benen[Bewerke | Kweltekst bewerke]

Iingangshali[Bewerke | Kweltekst bewerke]

Wan em iin ön't Engelsk Kiino gair, da trapet em ön "Solnhofener" Böörtstiiner.
Uk fan benen es alis me Ruarstiiner müüret. En Diil es iin ön di Iingangshali aurpotset en önstreeken, dat et en bet leechter uur. Des jeft uk des Rüm en senerk Struktuur.
Bitö di Iingangshali fent em Hüsjis en di Trapen, wat hentö di forskelig Technik- en Laagerrümen gung.

Üs ön ark Kiino sen uk jir (tau) Kasen tö finj. Senerk aur des es, dat diar jit di ual Skiiwen me di "Snakiklapen", üs jerer me Zellophan, iinbecht sen.

Saal[Bewerke | Kweltekst bewerke]

Bisirs fan di Iingang giar't da lefts en rochts döör gurt Düüren iin ön di Saal. Di Böört ön di Saal giar fan achtern naa fuarn en bet dial.
Lefts en rochts sen Blöki fan Klapstöölern tö bilukin; ön di Meren ken em langslaap.
Temelk üp di hualev Wai fan achtern naa fuarn es en Twerkgang, hur em lefts en rochts döör iirsern Nuardüüren ütlaap ken, wan't tö'n Bispöl brent.

Büüni[Bewerke | Kweltekst bewerke]

Tau Trapen gung trinjom di Siren fan di Orkestergraav hentö di Büüni. Fuar di Orkestergraav, wat twerk tö di Büüni giar, jeft et Buurter, wat em diaraur henlii ken.
Dit maaket et möögelk, dat Kiino uk üs Teaater of Konserthali tö binüti.

Achter di Büüni es jit en Twertdiil, hu em jerer üđer Kluađer önfo kür en üp Hüsji gung. Des Diil es man ön't Jaar 1988 tö en Sauna ombecht uuren.

Bechningshistoorii[Bewerke | Kweltekst bewerke]

Dat Engelsk Kiino uur 1953 fan di Royal Airforce becht, wat di Militeerflugplaats binüteti.
Dat, wat diar iinbecht wiar, sa üs uk di Forkluađing fan di Wuchen of di Fuarhangen fan di Büüni en di Kasenrümen, wiar ön't Jaar 2007 fuar't Miist alis sa üs dit becht uuren wiar.
Senerk des es deling noch sa gur üs ek muar tö fo.

Hur "Leewent" iin ön dit Kiino kām[Bewerke | Kweltekst bewerke]

En Stifting wiar't, wat me di Taacht bigent uur, dat weđer muar Plaats fuar di Sölringer üp Söl fünen uur skel.

Hat wiar mesken söner Forloof, üs em ön di 16. fan di Septembermuun 2011 diar raaketi, man somhur wiar dach en bet Stroom iin ön't Kiino kemen, en sa kür en Musik-Ker jaar Musik me Leecht en me di rocht Gurtemhair spöli.

Normaalerwiis es al lung bislöten, dat dat Kiino ofreten uur skel, aurdat me di Teenkstairensjuts-Urkundi wat ek stemi skel.
Masi Sölringer hööpi man dach, dat des ek pasiaret, aurdat em diar masi Saaken maaki kür, wat üđershuar gaar ek muar giar fuar al di Baarilir.

Wat diarfan kām[Bewerke | Kweltekst bewerke]

Di Lir, wat ditdiar Konsert maaket heer, kür't ek let en smit me ārig Uurter eeđer di Gimiindi en di Büürfööger.
Da Sen des aartig wat ārig uuren, en di Gimiindi bislöt en maaki dat Areaal techt.

Aur füf Jaaren lung kür em aur di Plaats laap en di bilukin of Skelter maaki. Dit es nü noch wesen.

Wandalismus[Bewerke | Kweltekst bewerke]

Hat jeft Lir, wat sii, dat di Gimiindi dit sa haa wel, dat höm dit jens ek muar luanet en maaki dat Hüs weđer klaar.
Fuar üđer Liren es dit hartinoch tö bigrip, hur em üđer Lirens Kraam man iinfach önsteken maaki ken, bluat, aurdat nemen üppaset.
Biiring kür stemi, en jir sjocht em, hur'ling dit eeđer fjuur Jaaren ütsjocht:

Luki uk jir[Bewerke | Kweltekst bewerke]

  1. En Teenkstair es en senerlig Hüs of Plaats, hur das Lönsamt fuar Teenkstairen et wert fent en riiv dit ek wech.
  2. Ön di ual Militeerflugplaats jeft en jit en gurt Teenkstair, di Halen 28 en 25, wat en "Ensemble" sen. Dit jit, des hiir töhop.