Ernst Löfstedt

Täkst aw mooringer frasch

Ernst M. H. Löfstedt (* 13. 12. 1893 önj Kristianstad, † 21. 10. 1978 önj Uppsala) wus en wichtien unersäker foon e nordfrasch spräke.

Laawen

Löfstedt wus tulaid 1893 önj Sweeden än ål ås studänt bai profäsor E.A. Kock in Lund footede hi di ploon, dåt frasche foon da Hålie tu studiiren. Önj dåt iir 1921 ging hi dan eefter e Håli Lungnees än schriiw 1922 deerouer en diploomårbe. Deerbai hi rüt, dåt da dialäkte foon da Hålie foole mör önjgram wjarn ås da foon e fååstewal. Deeram studiirde hi 1923 än 1924 uk dåt dialäkt foon e Hoolme, wat ai sü wid foon e Hålie bai e küste lait.

Hi mååged dan 1928 deerma san doktor ma e histoorisch lüdliir, weertu dan 1931 nuch en tweede biinj, ås hi wi mör materjool soomled häi. Aw e sid bai lüdhistoorische betråchtinge önjthüülje sin böke uk foole etymoloogische ferhoonlinge, da uk for oudere da frasche dialäkte wichti san. Lääser wörd Löfstedt profäsor önj Uppsala, weer hi dan uk nuch mör ouer frasche sååge publisiird.

Wärke

• Ernst Löfstedt, Die nordfriesische Mundart des Dorfes Ockholm und der Halligen, I. Lund 1928.
• Ernst Löfstedt, Nordfriesische Dialektstudien. Lund/ Leipzig 1931. {As 2. biinj foon Löfstedt 1928}.
• Ernst Löfstedt, Beiträge zur nordseegermanischen und nordseegermanisch-nordischen Lexikographie. Önj: Niederdeutsche Mitteilungen 19-25
• Ernst Löfstedt, Zum bestimmten Artikel in den inselnordfriesischen Mundarten von Föhr und Amrum, Almqvist & Wiksell 1964.

Literatuur

• H.T.J. Miedema, Paedwizers fan de Fryske filology, Ljouwert/Leeuwarden 1961. sid 247.
• Handbuch des Friesischen, Tübingen 2001, sid 23ff.
• Århammar, N.R., Ernst Löfstedt, Leben und Werk [mit einer Bibliographie] Us Wurk 30 (1981), 79-100

Kiik uk deer

• Kort biografii önjt Riksarkivet, Sweeden