Erongo

Faan Wikipedia
Zur Navigation springen Zur Suche springen
Foehr.svg Tekst üüb Fering


Erongo Regiuun uun Namiibia

Erongo as en regiuun uun de aafrikoons stoot Namiibia. At regiuun leit uun a waast faan’t lun. Uun a nuurd leit det Kunene Regiuun, uun a nuurduast det Otjozondjupa Regiuun, uun a süüduast det Khomas Regiuun an uun a süüd det Hardap Regiuun. Det as efter de Erongo Berig neemd. Det hee 150.400 lidj (2011). At hoodsteed as Swakopmund.

Geografii[Bewerke | Kweltekst bewerke]

Det Erongo Regiuun as de seekstgratst regiuun uun Namiibia. At regiuun leit amanbi twesken 20° an 24° (faan a nuurd tu a süüd) an twesken 13° an 17° (faan a waast tu a uast). De Süüdelk Kiarkreis gungt troch a süüd faan at regiuun. A eeg faan't regiuun as amanbi 320 km lung.

Berger[Bewerke | Kweltekst bewerke]

De huuchst berig uun Namiibia, de Königstein, wat üüb a Brandberg as, leit uun a nuurdwaast faan't regiuun. Öler berger üüb a Brandberg san det Horn (2519 m) (de naisthuuchst berig) an det Numasfels (2518 m) (de traadhuuchst berig). Öler berger uun't regiuun san de Hohenstein (2319 m), Erongo Berig (2219 m), Omburg (2073 m), Otjipateraberg (1989 m), Witwatersberge (1861 m), Grootberg (1846 m) an Spitzkoppe (1728 m). Letjer berger san de Messum Kraater (726 m) an a Vogelfederberg (527 m).

Höölin[Bewerke | Kweltekst bewerke]

Nai bi de Erongo Berig lei tau höölin: det Paula Hööle an det Phillip Hööle.

Natschunaalparken[Bewerke | Kweltekst bewerke]

A süüd faan't regiuun as dial faan de Namiib-Naukluft Natschunaalpark. De Dorob Natschunaalpark lingt loongs a eeg faan de Ugab Struum hen tu a süüd faan de Kuiseb Struum.

Struumer[Bewerke | Kweltekst bewerke]

De Ugab Struum bildet dial faan't grens mä det Kunene Regiuun. De Omaruru Struum leept troch a nuurd iin uun't Atlantik tu a nuurd faan a Kap Farilhao. De Swakop Struum an de Kuiseb Struum luup troch a süüd iin uun de Walvis Bocht.

Indialing faan Ferwalting[Bewerke | Kweltekst bewerke]

At regiuun hee 7 woolkreiser:

Woolkreis Grate Lidj[1] Hoodsteed
Arandis 10.093 9898 Arandis
Dâures 11.350 17.752 Uis
Karibib 13.320 12.785 Karibib
Omaruru 8577 8325 Omaruru
Swakopmund 44.725 Swakopmund
Walvis Bay Lun 9134 26.916 Walvis Bay
Walvis Bay Steed 19 35.828 Walvis Bay

Befölkring[Bewerke | Kweltekst bewerke]

Spriiken[Bewerke | Kweltekst bewerke]

Efter det 2011 folksteeling wurt det Ovambo Spriik uun 39 prosent faan hüshualer uun’t regiuun spreegen [2].

Weblinks[Bewerke | Kweltekst bewerke]

Ianselefterwisen[Bewerke | Kweltekst bewerke]

  1. [1] Namibia Statistics Agency, Erongo 2011 Census Regional Profile.
  2. Namibia Statistics Agency, Namibia 2011 Population and Housing Census Indicators.