Friisensērk

Faan Wikipedia
Söl'ring


Di Petersplaats, wan em fan di Peterssērk luket. Die Torn fan di Friisensērk es rochts üp hualev Hoogdi tö keen.
Detail: Di Friisensērk: Spüt fan di Torn en di Boowendiil fan di Hali.

Di Friisensērk (San Michele dei Frisoni sa üs uk San Michele in Sassia of Santi Michele e Magno) es en Sērk ön Room.

Laag[Bewerke | Kweltekst bewerke]

Di Sērk staant ön di Huk fan di Straaten Largo degli Alicorni en Via del S. Uffizio, töögenaur fan di Petersplaats, nai bi Vatikanstat, hurfan jü en exterritorioale Zone es. Em fent dit, wan em döör di gurt Straat Borgo Santo Spirito 21/41 di Trap āpgiar, döör di Lēr en da lefts wech.

Di Friisensērk waar 1141 töögen jen fan di Roomsk Bechningen, dän Janiculus, becht, en des liit bi di Petersplaats. Aur des Laag blef di "Friisensērk" uk stuun, üs ön dit 16. Jaarhönert ali Bechningen, diar önern ön di Hoog stön, wechrewen uur skul, aurdat di nii Peterssērk becht uur skul.
Di Friisensērk staant sent 1990 ön di Listi fan't Ārefdiil fan di Wārel fan di UNESCO.[1]

Iinmüüreti Stiiner[Bewerke | Kweltekst bewerke]

Di Weestfriisi Loadewyk Damsma heer ön 17 Jaaren 2700 Stiiner fan't Merelaaler saamlet. Dānen kām fan Sērken ön Friisk Lönen.[2] Des Stiiner waar ön't Jaar 2002 iin ön di Wuchen fan di Friisensērk müüret. Üt Sāterlön sen diar Stiiner fan dit Klooster ön Roomelse me twesken.

Luki uk jir[Bewerke | Kweltekst bewerke]


  1. WH Committee: Report of 14th Session, Banff 1990
  2. Underskieding Paus foar Jouster ap ju Websiede fon Omrop Fryslân, 8. Apr. 2002