Ruad Sia

Faan Wikipedia
(Widjerfeerd faan Golf faan Akaba)
Tekst üüb Öömrang


Koord faan't Ruad Sia

At Ruad Sia (araabisk ‏البحر الأحمرal-Bahr al-ahmar; araabisk ‏الخليج العربيAraabisk Golf; hebreewsk ‏'ים סוף Yam Suf; tigrinya ቀይሕ ባሕሪ QeyH baHri , latiinsk Mare Erythraeum, greks Ἐρυθρὰ θάλασσα (Erythraeisk Sia) as en smääl bocht an hiart tu a Indisk Oosean. Hat as 2240 km lung an bit 2604 m jip, an leit tesken Nuurduastafrikoo an't Araabisk Hualeweilun. Diar san 200.000 km³ weeder uun, an det areal as 438.000 km² grat.

Ap am a nuurd dialt det hualeweilun Sinai at Ruad Sia tu en waastelken (Golf faan Sues) an en uastelken dial (Golf faan Akaba).

Lunen[Bewerke | Kweltekst bewerke]

Trinjam at Ruad Sia lei Dschibuti, Eritrea, Egypten, Israel, Jordaanien, Saudi-Araabien an Jemen.

Geologii[Bewerke | Kweltekst bewerke]

At Ruad Sia as en jipen gruug tesken at Afrikoonsk an Araabisk kontinentaalplaad. Sant 130 miljuun juaren wurd jodiar tau plaaden ütjenööder trakt faan magma, diar faan onern jin at stianskel (lithosphäre) faan a eerd trakt. Diaram woort at Ruad Sia arke juar am ian bit tau cm briader. Detdiar tektoonik suragt uk för eerdbeewrin.

Panoraama[Bewerke | Kweltekst bewerke]

Dü lukest faan Eilat uun Israel auer di nuurduastelk dial faan't Ruad Sia (Golf faan Aqaba) tu Aqaba uun Jordaanien.
Dü lukest faan Eilat uun Israel auer di nuurduastelk dial faan't Ruad Sia (Golf faan Aqaba) tu Aqaba uun Jordaanien.

Luke uk diar[Bewerke | Kweltekst bewerke]

Commons Wikimedia Commons hää bilen of filmer tu: Ruad Sia