Hååbel
 Täkst aw mooringer frasch |
Hååbel as jü latjst håli önjt nordfrasch heef. Jü hiirt tu e gemiinde foon e Groue, as ouers ai möör et hiilj iir ouer bebooged. Bloot önj e samer booget deer en awpååser foon e Verein Jordsand, wat eefter e föögle kiiket än åles önj schål hålt. Ouerdåt Hååbel önj e Zone 1 läit än ai betreese wårde mötj, as dideere awpååser e hiile tid fåli åliine än mötj arken mansche, wat flicht iinjsen ouer tu e håli kamt wider wäch schäke.
Lååge än Histoori
[Bewerke | Kweltekst bewerke]Hååbel as ma 6 ha jü latjst håli än heet mån nuch ån latjen wäärw, di Nordwäärw, ma iinj hüs än nån "ringdik" trinam. Uk en stääwien schöölrüm as aw oudere hålie jeeft et ai. Deerfor mötj deer önj e wunter niimens booge. Bit önjt 19. iirhunert jäif et nuch en tweeden wäärw, e Sööderwäärw, wat dan ouers tuleest önjt heef ferswün, eefterdåt'r ai möör bebooged wus.
Aw e håli jeeft et wiler luupen wååder er struum. Frischwååder kamt ma büütj. E piisel wårt ma en üüljen kåchelng wurm hülen, for e dörnsch än e släipdörnsch jeeft et en gas-oun. Uk di heetstiinj än et käilschååp wårde ma gas önj e gung hülen. Wååder koon bloot aw e heetstiinj hiitj mååged wårde.
Bit 2014 kömen önj e samer nuch schäip tu e håli tu gjarsen än brükden di üülje fääding for frischwååder. Dåt wörd ouers tu foole apwåår än wårt nü ai möör mååged.
Üülj koord ma en hålifraschen täkst foon Böle Bonken.
Hååbel önj e mal foont bil (1).
Hååbel bai huuchwååder
