Khomas
 Tekst üüb Fering
|
Khomas as en regiuun uun de aafrikoons stoot Namiibia. At regiuun leit uun a maden faan’t lun. Uun a waast leit det Erongo Regiuun, uun a nuurdwast det Otjozondjupa Regiuun, uun a uast det Omaheke Regiuun an uun a süüd det Hardap Regiuun. Det hee 342.141 lidj (2011)[1]. At hoodsteed as Windhoek.
Geografii[Bewerke | Kweltekst bewerke]
Det Khomas Huuchlun, wat en madelmiadig hööchte faan 1000m hee, leit uun a waast faan’t regiuun. A Hakosberger an Rantberger lei uun detdiar huuchlun. A Gamsberig leit uun a Hakosberger. Bedüüden öler berger san dön Auasberger an Erosberger, wat nai bi Windhoek lei. Öler berger san dön Karubeamsberger, wat uun a süüduast lei. Det lingst hööle uun Namiibia, det Arnhem Hööle, leit uun a uast faan’t regiuun. De Süüdelk Kiarkreis gungt troch a süüd faan det Khomas Regiuun.
Struumer[Bewerke | Kweltekst bewerke]
Föl struumer haa hör hööd uun det Khomas Regiuun. Jo san: de Wit-Nossob Struum, de Swart-Nossob Struum, de Olifants Struum, de Kuiseb Struum, de Kaan Struum, de Gaub Struum, de Ubib Struum, de Kam Struum, de Oanob Struum, de Skaap Struum an de Seeis Struum.
Indialing faan Ferwalting[Bewerke | Kweltekst bewerke]
At regiuun hee tjiin woolkreiser:
| Woolkreis | Lidj[2] |
|---|---|
| John Pandeni | 15.121 (2011) |
| Katutura Central | 21.243 (2010) |
| Katutura East | 17.737 |
| Khomasdal North | 26.621 |
| Moses ǁGaroëb | 25.642 (2010) |
| Samora Machel | 32.000 (2010) |
| Tobias Hainyeko | |
| Windhoek West | |
| Windhoek East | 12.674 (2010) |
| Windhoek Rural | 22.254 (2010) |
Befölkring[Bewerke | Kweltekst bewerke]
Efter't folksteeling faan 2011, hee at regiuun 342.141 lidj. 169.672 faan a lidj san karmen an 172.469 san wüfhööd.[3].
Spriiken[Bewerke | Kweltekst bewerke]
Efter det 2011 folksteeling, spreege 41 prosent faan hüshualer Ovambo, 19 prosent Afrikaans, 12 prosent Khoekhoe an 10 prosent Herero[4].
Weblinks[Bewerke | Kweltekst bewerke]
Ianselefterwisen[Bewerke | Kweltekst bewerke]
- ↑ Namibia Statistics Agency (2011), Namibia 2011 Population and Housing Census Indicators Report, s.7.
- ↑ Efter uungoowen faan’t websidj faan’t regiaring faan’t regiuun.
- ↑ Namibia Statistics Agency (2011), Namibia 2011 Population and Housing Census Indicators Report, s.7.
- ↑ Namibia Statistics Agency, Namibia 2011 Population and Housing Census Indicators, s. 7.
Erongo | Hardap | Kavango East | Kavango West | Khomas | Kunene | Ohangwena | Omaheke | Omusati | Oshana | Oshikoto | Otjozondjupa | Zambezi | ǁKaras