Leewentshelp

Faan Wikipedia
Zur Navigation springen Zur Suche springen
Sylt2.png Söl'ring


Leewentshelp[Bewerke | Kweltekst bewerke]

Di "Lebenshilfe e. V." es en Foriining, wat di Algimiinhair nüti wel.
Hat jeft dit diari ön masi Lönen, en di Foriiningen wel fuar Mensken aarberi, wat aliining ek gur klaarkum, aurdat di wat ek ken of kraank sen.
Hat giar diarbi aur Interesen fan des Lir en diaraur, jaar Familiien tö help. Hat jeft fan di Leewentshelp Hüüsinger, hur bihenert Mensken uuni ken.

Bigrep[Bewerke | Kweltekst bewerke]

Hat haa masi Strir jefen aur di Bigrep „bihenert ön Haur“, aur dat masi Mensken dit diskiminiarend finj.
Sa sii nü hok Stat- en Kraisforiiningen fan di Leewentshelp "Hat es normaal, forskelig tö wiis.".
Di Aarber wat diar maaket uur, kür mesken aurskrefen uur me "Ark jen es lik fuul wert, uk wan hi dit en des ek maaki ken".

Histoori[Bewerke | Kweltekst bewerke]

Di Leewentshelp es ön di 23. Nowembermuun 1958 ön Marborig bigent uuren üs "Lebenshilfe für das geistig behinderte Kind e. V.".
Di Taacht kām fan en hollansk Offitsiir, wat iin ön en Kraankenhüs me bihenert Jungen fan Lir tö dön hee, wat fan Uasten tö Dütsklön kemen wiar, wat üt di KZ töbeek wiar - Mensken ön Nuar.

Tien Jaaren förter hee di Foriining al aur 300 Statforiiningen en 38.000 Meföligsters.
Iin ön sönerk Jungensgaarten, Skuulen en Warkstairen uur me aur 18.000 Mensken aarbert.
Fan des Tir (ombi 1970) bigent di Leewentshelp uk diarme, Uuningen fuar Uunikeren tö bech en öntöber.
Bit hentö 1989 sen't aur 400 Stat- en Kraisforiiningen en aur 100.000 Meföligsters uuren.

Ön dit, wat di DDR wesen wiar, bigent em en ain Leewentshelp, man em es bal me di Foriining fan "Weesterdütsklön" töhop gingen.
2008 wiarn diar 527 Stat- en Kraisforiiningen en aur 135.000 Meföligsters.
Wan di Leewentshelp 50 Jaaren ual uur, sen masi Aktsjoonen wesen.
Ön di "Kulturbrauerei" ön Berlin wiar en Fest "Blö Wunner" nēmt, aurdat dit Logo fan di Leewentshelp blö wiar. Bi des Fest es Angela Merkel sen uuren.
Di Post heer en ekstra Breevmark ütdönen.

Leewentshelp üp Söl[Bewerke | Kweltekst bewerke]

Dat Leewentshelp-Hüs fan Söl staant ön Weesterlön. Diar uuni ombi 15 Mensken ön di Uuningen.
Uk fuar Mensken, wat ek diar uuni, uur forskelig Help önberen.

Hat jeft forskelig Mensken, wat diar hol tö Bisjuk kum en wat mi di Uuners maaki.
Masi Faarten en üđer Aktiwiteeten maakit di "Fröhliche Kreis".
Sent 2008 wukset uk en ain Band āp: Di "Wunschlistenband". Di diari haa al tau Maal ön di "Ual Kuursaal" ön Weesterlön spölet, en ön 2010 haa ja tau Āptreren her, tö wat ja nöörigt wiar.

Leewentshelp üp Föör en Aamrem[Bewerke | Kweltekst bewerke]

Üp Föör en Aamrem uur Help fuar Familiien me bihenert Jungen önberen.
Em wel di Jungen help, dit wat di ken, wat beeter hentöfing,
dat di't wat iinfacher fo.
Dat Uurt "Integratsjoon" uur diar ek üs en "Likmaaki" forstönen, di wel diar ali help, jen en achtler öntönem.
Diarfuar skel di Jungen, wat ek "normaal" üp Warel kemen sen, Help fingen, wat naier tö di üđer Mensken tö kum, dat et fuar ali wat lechter uur.
Fuar des sen di Jungen uk ön di "Regel-" Jungensgarten en Skuulen, wan dit giar, hur di fööring Leewentshelp me di diari Lir töhop aarbert.

Forwiisen[Bewerke | Kweltekst bewerke]

Diheer artiikel luanet det leesen.
Didiar artiikel as uun det list faan gud artiikler, diar det leesen luane apnimen wurden. Uun uugenblak jaft at diar 70 faan.