Max Feddersen
 Tekst üüb Öömrang
|
Max Feddersen (* 2. August 1900 uun Tinem, † 3. Mei 1945 üüb a Cap Arcona) hää uun a 1920er an 30er juaren bi a boon üüb Sal werket.
Leewent
[Bewerke | Kweltekst bewerke]Max skul al üs jong maan uun a Iarst Weltkrich tji. Hi küd gud liar, man wiar ei üüb en huuger skuul, auer diar krich wiar. Likes füng hi en gud steed bi a letjboon üüb Sal. 1930 küd hi en hüs kuupe uun Waasterlun. Hi wiar befreid an hed trii jongen. Max wiar uun a SPD an sant 1933 uun a gemeen. Auer hi bi a boon werket, sost hi uun a Ööder Weltkrich ei tu a soldooten.
A 22. August 1944 kaam hi oober tuup mä sääks Salrangen muar iarst uun't 'suart hool', an do uun't KZ Neuengamme bi Hamborag. Bluas auer hi uun a SPD wiar. Auer a Briten naier kaam, as det KZ apliaset wurden, an aal a iinsperet minsken kaam iarst tu Lübeck, an san do üüb skeb broocht wurden. Max Feddersen, Karl Jessen an Carl Quaas faan Waasterlun kaam mä 4.500 öödern üüb a 'Cap Arcona'. A Briten mend, dat a Nazis diarmä flücht wul, an haa det skap tuupskööden. So kaam Max Feddersen tu duas, uk auer hi ei swääm küd. Di 18. Jüüle 1945 as sin lik bi a küst uundrewen.
För Max Feddersen leit en 'snöwelstian' (ICON254.9012168.305846) föör sin hüs uun Waasterlun.
Kwelen
[Bewerke | Kweltekst bewerke]- Arbeitskreis Erinnerungskultur Sylt, wääbsteed
- Beracht uun a 'Sylter Rundschau', 3.5.2025