Nooruuz

Tekst üüb Fering

Nooruuz uk Noowruuz (Persisk نوروز [noːˈɾuːz]) as det Iraansk of Persisk neijuar. Hat wurt histoorisk faan a Iraansk fulken feiert, oober wurt nü faan maning lunen üüb at hial welt ferfuligt. A Iraans kalender racht ham efter at sanjuar an begant tu Nooruuz (wosbegan), miast üüb en dai twesken a 19. an 22. Marts uun a gregoriaans kalender. Iraansk of Persisk Neijuar wurt üs festdai al tu tidj faan Achameniiden (6. juarhunert f.Kr.) feiert.

Nooruuz as en amtelk festdai uun't Autonoom Regiuun Kurdistaan (Irak), Afghaanistaan, Aserbaidschan, Iraan, Kasachstaan, Kirgistaan, Tadschikistaan, Turkmeenistaan an Usbekistaan. Ölers uk miast priwaat faan't Kurdisk manerhaid uun Türkei an faan't Beluutschisk lidj uun Pakistaan. Mensken mä ruter ütj döndiar lunen feire Nooruuz uk uun Sjiisklun, feraal Persisk an Kurdisk iinwenern faan Hamborig, oober uk uun Los Angeles of Toronto, huar maning faan jo lewe.

Nooruuz as wichtig föör schiitisk Ismailiten, uunhinger faan a Soroastrismus an a Bahai gluuw.

För Neisdai wurt en apartig boosel üübberigt, a Haaft-sin. "Haaft" bedüüdet sööwen an "sin" as a buksteew "s" uun at persisk/araabisk alfabeet, amdat sööwen dingen för a boosel benatigt wurd:

Sabzeh (سبزه) – wiaten, bere of lins poon
Samanuu(سمنو) – wiaten siadkurner poding
Sendsched (سنجد) – öölewilger
Serkeh (سرکه) – eetj
Siib (uk Seeb) (سیب) – aapel
Siir (سیر) – knooplook
Somaq of Sumak (سماق) – sumak

Luke uk diar

Commons: Nooruuz – Saamling faan biljen of filmer