Riap

Faan Wikipedia
Zur Navigation springen Zur Suche springen
Amrum.pngTekst üüb Öömrang


Riaperboonen uun Hamborag.
En bil ütj at Hamborger museeum för histoore.
En maan bi't riaper tren.
Mä son riapmaskiin san a sialen ferdreid wurden.

En riap as en toog faan abaca, manilahenep of flaaks, üüb Oomram an Sal hää'm diar halem för brükt. Halemriaper san oober miast grööwer an sjoker.

Riaper tren[Bewerke | Kweltekst bewerke]

Tu't riaper tren brükt am en lung boon, huar jo sialen iarst enkelt an do mäenööder ferdreid wurd. Sok boonen wiar bit 400 m lung. Üüb huuchsjiisk sait am diar Reeperbahn tu. Uun Hamborag het daalang en bekäänd struat noch so. Uk uun ööder stääden jaft at struaten mä didiar nööm: Uun Buxtehude, Eckernförde, Elmshorn, Kiil, Lauenburg, Lüchow an Verden.

Nat[Bewerke | Kweltekst bewerke]

Riaper faan halem san üüb a nuurdfresk eilunen fööraal brükt wurden, am raidsaagen tu driiwen. Starker riaper för a siafaard wiar miast faan manila maaget.

Neier tidj[Bewerke | Kweltekst bewerke]

Daalang wurd riaper miast ütj konsttriader maaget. Sok triader, diar fiks wat ütjhual, het Kevlar, Dyneema of Spectra.