Sasaniiden Rik
 Tekst üüb Öömrang |
At Sasaniiden Rik wiar det naist persisk gratrik uun ualang tidjen. Di aanj nööm wiar 'Eeraanschahr' ('Iraansk Kaiserrik'), an hää bestenen uun a juaren 224 bit 651. Do kaam at islaamsk tidj mä't Umajaaden Kalifaat. A Sasaniiden haa det Arsakiiden Rik ufliaset (uk 'Parther Rik' näämd), diar faan 247 f.Kr. bit tu't juar 224 bestenen hää.
Di nööm komt faan't dünastii faan a Sasaniiden, an a miast könger kaam faan detdiar famile. Efter't Schahnaameh gongt det dünastii turag üüb di stamfeeder 'Sasaan'. A leetst könang wiar Yazdegerd III. .
At Sasaniiden Rik amfaadet jütidjs det regiuun faan a lunen Iraan, Iraak, Aserbaidschaan, Turkmenistaan, Pakistaan an Afghaanistaan. Hat wiar bütj at Röömsk Rik at naist gratrik faan jü tidj.
Grünjleier faan't Sasaniiden Rik wiar Ardaschir I. (könangtidj 224–240). Hi kaam faan't regiuun Persis (daalang Faars), huar hi jin at föörgunger rik faan a 'Parthern' streden hed.
