Schiiten

Tekst üüb Fering

Schiiten san mä 10 bit 15% at naist skaft faan Musliimen. Liküs ale uunhinger faan Islaam, liaw Schiiten uun a Qoraan (uk 'Koran' skrewen) a wurden faan God an det halig skraft. A Qoraan wurt üs det wurd faan God (of Allah) uunsen, troch Mohamed (uk Mohammad) üs de letst profeet. Ölers üüs Sunniten, mä 85% a miast Musliimen, as föör Schiiten Ali a waraftig efterfulger faan Mohammad.

Greef an Masdschid faan Imaam Hoosein uun Kerbalaa, Iraak

Ali wiar feter faan Mohammad, a iarst Musliim an fjuard Kalif, föör Schiiten uk iarst Imaam. Histoorisk wurd troch a sliik faan Kerbelaa (680) mä a duas faan Hossein (uk Husain), sön faan Ali a Sunniten an Schiiten skeest.

Twiigen

Schiiten dial jo ap tu trii twiigen:

1. Twaalewst of Twaalew-Imaam-twiig: üs muarhaid uun Iraan, Aserbaidschan, Süüd Iraak an Süüd Liibanon, üs grat manerhaid uk uun Afghaanistaan, Indien an Pakistaan.
2. Ismailiten of Sööwen-Imaam-twiig: wäältwidj ferdiald, muarhaid uun Badachschan faan Tadjikistaan an Afghaanistaan mä Gilgit-Baltistaan uun Pakistaan. Oober uk mä maning mäfulgern uun Kanada.
3. Zaiditen of Fiiw-Imaam-twiig: miast uun a Jemen.

Luke uk diar

 Commons: Schiiten – Saamling faan biljen of filmer