Van Hool A330 Fuel Cell

Faan Wikipedia
Zur Navigation springen Zur Suche springen
Sylt2.png Söl'ring


Van Hool
Van Hool A330 Brenstofselenbus ön Groningen

Van Hool A330 Brenstofselenbus ön Groningen

A330 Fuel Cell
Fabriik Van Hool
Bechningsaart Liigerböört-Liinienbus
Becht sent

of fan bit

sent 2005
Aksen 3
Maskiin Elektromaskiin fan Siemens
Maskiinenkraft 210 kW
Leengdi 13,115 m
Breedji 2,55 m
Hoogdi 3,42 m
Aksenstant 5110 + 1690 mm
Böört-Hoogdi 330 mm
Seetplaatsen 34
Stuun-Plaatsen ca. 50
Sestermodeli/
Modeli binai üs des
Mercedes-Benz Citaro BZ

Di Van Hool A330 Fuel Cell es en Liinienbus, wat elektrisk öndrewen uur me liiger Böört, wat di Busfabrik Van Hool ön Belgien becht.
Di Platforem kumt fan di Dieselbus A 330, en em ken di me tau of trii Düüren fo.
Ön Euroopa uur dit Model A330 Fuel Cell Europa önböören, en fuar Ameerika jeft et di A330 Fuel Cell USA en A300 L Fuel Cell USA.

Technik[Bewerke | Kweltekst bewerke]

Di A 330 heer en Hybrid-Öndreft, di Brenstofseli leert en Lithium-Baterii āp, hur di Stroom fuar di Elektromaskiin fan lööwert uur. Des Systeem ken rekuperiari, dit jit, dat di kineetisk Energii (of Bremsenergii) fan di Baterii āpnomen uur ken. Sa ken em Weeterstof spaari, en di Bus lapt me ombi 8 kg Weeterstof ombi 100 km.
Di Brenstofselen me Protoonen-Bööd-Membraan(PEM, Protone Exchange Membrane) uur fan Ballard Power Systems ön Kanada becht. Fan des kumt di Stroom fuar di 210 kW-Elektromaskiin fan Siemens. Di Bateriien sen en Stöt fuar di Öndreft en em ken diar di Bremsstroom iinleer.
Di Bus uur fan dit Van-Hool-Werk ön Koningshooikt / Belgien becht.

Histoorie[Bewerke | Kweltekst bewerke]

Ön't Jaar 2008 waar di A 330 FC ön di Prowins Süđerholön tö Proof köört. Leeterhen fing di Busforkiirsfirma De Lijn des Bus. Uk ön Metropoolen fan Euroopa waar di A 330 FC köört.[1]

2015 kür Van Hool en Transport for London en Kontrakt aur tau A 330 Fuel Cell ofslüt. Des Maskiinen sen nü fuaral ön di Liinie RV1 ön ön di Meren fan London üp Wai.[2]

Ön di Uurs fan 2018 fing Van Hool en Bisteling aur tiin A330 Fuel Cell-Busi fuar di WSW (Wuppertaler Stadtwerke) sa üs uk 30 Stek tö di RVK (Regionalverkehr Köln). Des Koop fair Jil fan di Bundsregiaring (Bundsministeerium fuar Forkiir en digitaali Infrastruktuur, BMVI) en dit Program Horizont 2020 bitö. Di Busi skel fan di Bigening fan't Jaar 2019 ön üp Straat wiis.[3]

Di Busi ön U.S.A.[Bewerke | Kweltekst bewerke]

A300 L Fuel Cell USA ön Beauvais

Sent 2004 heer di USA en Weeterstofbus fan Van Hool. Uk des kumt fan di Dieselbus A 330, wat jest fuar Euroopa en da fuar Ameerika fan di ialer A 300 L maaket waar. Di jest Busi her PEM-Brenstofselenmoduuli fan di United Technologies Corporation me 120 kW sa üs tau Siemens-Elektromaskiinen, ark me 85 kW öndrewen. Di Baterii kām fan Zebra en her 95 kWh Kapatsiteet. Des Komponenten waar fan di Firma ISE (Bergneustadt/Dütsklön) iin ön di Busi becht.

Fjuur Busi kām fuar di United Technologies Corporation CaFCP ön Gang, diarfan trii sent 2005 bi di Liinienbusfirma AC Transit ön Alameda County en Contra Costa County ön Weesten fan di San Francisco Bay. Di fjort Bus waar sent 2006 fan SunLine ön Palm Spring sa üs uk ön Coachella Valley / Kalifornien köört.

Jit en Bus es sent 2007 bi di Firma CT Transit trinjom Hartford (Connecticut) üp Wai. Des es di jest Weeterstofbus ön di Uasterkant fan di U.S.A.

Varianten[Bewerke | Kweltekst bewerke]

Quelle: Van Hool[4]

A330 fuel cell Europa A330 fuel cell USA A300 L fuel cell USA
Leengdi (mm) 13155 13155 12360
Hoogdi (mm) 3420 3420 3460
Breedji (mm) 2550 2550 2590
Seetplaatsen 34 34 28
Aksenstant (mm) 5110 + 1690 5110 + 1690 6840
Hinget fuarn aur (mm) 2715 2715 2055
Hinget achtern aur (mm) 3640 3640 3225
Hoogdi fan di Böört (mm) 330 330 370

Weblinks[Bewerke | Kweltekst bewerke]

Referenzen[Bewerke | Kweltekst bewerke]

  1. A. Kockartz: Van Hool baut Wasserstoff-Busse für Europa. Uun: deredactie.be. 21. Janewoore 2015, ufrepen de 5. April 2018.
  2. Van Hool baut 2 Brennstoffzellenbusse für London. Uun: vanhool.be. 22. Detsember 2015, ufrepen de 5. April 2018.
  3. 40 Wasserstoffbusse für Kölner und Wuppertaler Verkehrsunternehmen. Uun: njuuz.de. 28. Febrewoore 2018, ufrepen de 5. April 2018.
  4. Hybrid Fuel Cell - ÖPNV. Uun: vanhool.be. Ufrepen de 5. April 2018.