Natsionaalpark Waas (SH)
 Tekst üüb Öömrang
|
| Natsionaalpark Waas (Schleswig-Holstian) | |||
|---|---|---|---|
 | |||
54.4563028.646408 Koordinaaten: 54° 27′ 23″ N, 8° 38′ 47″ O
| |||
| Laag: | Schleswig-Holstian, Sjiisklun | ||
| Naist stääd: | Waasterlun, Hüsem, Tönang, Heide | ||
| Grate: | 441.500 ha | ||
| Grünjlaanj: | 1. Oktuuber 1985 | ||
| Beschükern: | 1.746.293 (2002) | ||
| Adres: | Natjunaalpark Waas Schlossgarten 1 25382 Tönning | ||
 | |||
A Natsionaalpark Waas as en natsionaalpark faan Sjiisklun. Diar san trii dialen uun Schleswig-Holstian, Hamborag an Niidersaksen.
Laag
[Bewerke | Kweltekst bewerke]
Di natsionaalpark lingt faan a däänsk grens uun't nuurden bit tu a Ialew uun't süüden a Nuurdsia-küst deel. Sodenang hiart di hialer waas trinjam a Nuurdfresk eilunen diartu.
Hi as 1985 iinracht wurden, am plaanten an diarten muar skül tu dun, man uk am a fräämenferkiar tu halpen.
Mä en grate faan 4410 km² as hi di gratst natsionaalpark uun Sjiisklun. Tau traaden san oner weeder an ään traaden fäält bi liachweeder drüg. A sjiisk natsionaalparken uun a waas hiar sant 2009 tuup mä a däänsk an a holuns waas tu't UNESCO-"weltnatüürarewdial".
Histoore
[Bewerke | Kweltekst bewerke]
Üs di natsionaalpark iinracht wurd skul, wiar a Nuurdfresken diar goorei bliis auer. Jo wiar diar ei mä iinferstenen, dat auer a waas nü en amt uun Kiil besteme skul. Detdiar amt sat uuntesken uun Tönang.
Daalang werke a Nuurdfresken oober mä detdiar amt tuup.
Uun't juar 2008 as det natsionaalparkamt uun Tönang mä't marschenbauamt (ALR) uun Hüsem tuupslööden wurden an het daalang Landesbetrieb für Küstenschutz, Nationalpark und Meeresschutz.
Literatuur
[Bewerke | Kweltekst bewerke]- Common Wadden Sea Secretariat (CWSS) (Hrsg.): Nomination of the Dutch-German Wadden Sea as World Heritage Site. 2008 (PDF)
- Landesamt für den Nationalpark Schleswig-Holsteinisches Wattenmeer / Landesamt für den Nationalpark Niedersächsisches Wattenmeer / Umweltbundesamt (Hrsg.): Umweltatlas Wattenmeer. Bd. 1 (Nordfriesisches und Dithmarscher Wattenmeer), Verlag Ulmer, Stuttgart, ISBN 3-8001-3492-6.
Luke uk diar
[Bewerke | Kweltekst bewerke]
Commonskategorii: Natsionaalpark Waas (SH) – Saamlang faan bilen of filmer- Amtelk wääbsteed
- LancewadPlan (auer di waas üs kultuurrüm)
|
Didiar artiikel as di 1. Febrewoore 2014 uun det list faan gud artiikler, diar det leesen luane apnimen wurden. Uun uugenblak jaft at diar 73 faan. |