Theodor Storm
 Täkst aw mooringer frasch
|
Theodor Storm (* 14. Härfstmoune 1817 önj Hüsem; † 4. Foodermoune 1888 önj Hademarschen) wus en schriwster.
Lääwent
[Bewerke | Kweltekst bewerke]Di 14. Härfstmoune 1817 wörd hi önj Hüsem as saan foon di adwokoot Johann Casimir Storm tuläid. Tu schölj gäng hi awt gümnasium önj Hüsem, än heer häi hi åål sin jungensiirnge handöör dåt heef aw jü iin sid än e hii aw jü ouder sid foon Hüsem. Da heet hi biise diip önj ham apnümen, dan da kaame ålten än ålten wi for önj sin dachte än nowäle. Deertu köm dan nuch jü stiming foon da hooltinge trinam e Weestermeelen bai Hohn, weer san åte meeler wus. Ouerdåt ja önj Hüsem ai rucht wat liirden, köm hi awäädrie aw et Katharineum önj Lübeck.
Studiire däi hi önj Kil än 1843 wus hi adwokoot än hülp san taatjen önj Hüsem. Önj Kil wus hi gou waane wörden ma Theodor Mommsen än san brouder Tycho. Hi tuuch eefter Potsdam än wörd deer asesor bai en huug gericht. Jarst di dånsch-tjüsche krich 1848-51 än da iirnge önj e fråmde hääwe ham tu di grute dachter mååged. Hi långd eefter Hüsem, dan hi schraft önj sin stuk "Gedenkst du noch?" foon 1857: "Wer in der Heimat erst sein Haus gebaut, der sollte nicht mehr in die Fremde gehen!" Klaus Groth sää ma rucht foon ham: Dåt lingen heet Storm tu en dachter mååged, ouers et wus uk dåt lingen eefter en foomen. as hi 19 wus än dåt foomen wus 10.
1864 köm hi wi eefter Hüsem än wörd deer loonfooged. 1867 wörd hi dan uk nuch åmtsruchter. Hi wus iinj e krich 1870/71 iinj Frankrik. Önj en bräif foon 1870 schraft hi: "Das Bestehen der Welt beruht darauf, dass alles sich gegenseitig frisst oder vielmehr der Mächtigere den Schwächeren". Da leeste iirnge foon sin laawen booged hi önj Hademarschen, ai wid foon Ransborj. Deer heet hi uk sin bekåndst nowäle schraawen di Schamelrider. Önj Hademarschen as hi di 04. Foodermoune 1888 störwen. Begrääwen lait hi önj Hüsem.
Ferwisinge eeder büte
[Bewerke | Kweltekst bewerke]
Wikimedia Commons heet bile unti filme tu: Theodor Storm 
Wikisource: Theodor Storm (tjüsch)