Barack Obama

Faan Wikipedia
Tekst üüb Fering


Barack Obama (2009)

Barack Hussein Obama II [bəˈɹɑːk hʊˈseɪn oʊˈbɑːmə] (* 4. August 1961 uun Honolulu, Hawaii) wiar de 44. president faan Ameerikoo sant de 20. Janewoore 2009. A 6. Nofember 2012 as hi för fjauer muar juar weelet wurden.

Obama hiart tu't partei faan a Demokraaten an as afkoot. 2009 füng hi di Nobel-Pris.

Leewent[Bewerke | Kweltekst bewerke]

Obama as Ann Dunham (1942-1995), en ameerikoonerin faan Kansas an Barack Obama Sr. (1936-1982), en aafrikooner faan Keenia hör dring[1]. Sin aalern meet uun en rüskurs uun't University of Hawaii uun Manoa, huar Obama Sr. en bütjluns student mä'n stipendium wiar. Obama Jr. ging tu Columbia University an Harvard Law School, huar hi üüs iarst aafroameerikoons president faan di Harvard Law Review wiar. Efter san ufsluss wurd hi bürgerrochtafkoot an onerracht ferfaadingsrocht uun det University of Chicago Law School.

1992 wurd Obama lasmoot faan det Demokraatisk Partei an 1997 wurd hi lasmoot uun a Senaat faan Illinois. Hi wiar faan 2005 tu 2008 üüs Junior Senaator för deheer bundesstoot uun de US-Senaat. De 27. August 2008 wurd hi kandidoot för a Demokraaten uun det US-Presidentenwool 2008 an woon a wool. Hi wiar de iarst aafroameerikooner, de president faan a Ferianagt Stooten wurd.

Uun sin presidentskap feerd hi en rä faan gesetsreformen iin. Uk üs at sünjhaidssüstem reformiaret wurd („Obamacare”), loket at ham ei, en fol stootssünjhaidssüsteem iin tu feeren. Uun't bütjluns politiik broocht Obama at interwentschuun faan det US-ameerikoons militeer uun di Iraakkrich tu aanj, maaget a stridjkreeften uun Afghaanistaan starker, onertiakent mä Rüslun di "START"-ferdrach auer rüstingskontrol, ded order tu't interwentschuun faan det US-ameerikoons militeer uun Libyen an uk tu't militeeroperatschuun uun Pakistaan, wat tu Osama bin Laden san duas feerd.

Sin presidentskap wurd algemian positiif uunsen.

Luke uk diar[Bewerke | Kweltekst bewerke]

Commons Commons: Barack Obama – Saamling faan biljen of filmer

Futnuuten an Kwelen[Bewerke | Kweltekst bewerke]

  1. Föör an uun Obama sin presidentskap saad högen faan sin politisk oponenten, dat hi ei uun dön Ferianigt Stooten bäären wiar an diauer efter det US-ameerikoons ferfaading neen president faan't lun wees küd. Dönheer lidj wurd uun Ingels flooksis üüs „Birthers“ (gebuurtlern) beteekent. Een faan a „Birthers“ wiar Donald Trump, diar leeder uk president wurd. Üs Trump ferlangd, dat Obama at lungwerschuun (Obama ded at kurtwerschuun föör det 2008 presidentskapswool ütj) faan sin gebuurtsurkunt wise skul (Donald Trump Steps Up Calls for Obama to Release Birth Certificate, abcnews.go.com, di 28. Marts 2011), ded Obama di 27. April 2011 at dokument ütj an kritisiaret dön US-meedjin, diar at teema faan sin gebuurtstääd tu hoodneis maaget hed [1]
FöörgungerAmtEfterfulger
George W. Bush
President faan dön Ferianagt Stooten

2009-2017
Donald Trump