Baragan

Faan Wikipedia
Tekst üüb Öömrang


Baragan
Baragan (Tadorna tadorna) en mantje mä en letj hurn üüb a nääb LC - least concern (ei trüüwet)

Baragan (Tadorna tadorna)
en mantje mä en letj hurn üüb a nääb

LC - least concern (ei trüüwet)
Süstemaatik
Klas: Fögler (Aves)
Order: Anen an ges (Anseriformes)
Famile: Anen (Anatidae)
Onerfamile: Hualewges (Tadorninae)
Skööl: Tadorna
Slach: Baragan
Wedenskapelk nööm
Tadorna tadorna
(Linnaeus, 1758)

At Baragan[1] (Tadorna tadorna) as en weederfögel an hiart tu at onerfamile Tadorninae, det ment "Hualewges". So üs bi a Ges sä mantje an wiifke bal likedenang ütj. Bi anen as det normoolerwiis ööders, det an as miast brün an di wörd bruket.

Bilen[Bewerke | Kweltekst bewerke]

Nöömer[Bewerke | Kweltekst bewerke]

Fering-
Öömrang
Sölring Halag-
fresk
Halunder * Mooring Wiiding-
hiirder
Karhiirder Goos-
hiirder
* Seeltersk * Frysk
fe. berigan
öö. baragan
. . . * bärjånert
greewånert
. . . * . * Berchein

Föörkemen[Bewerke | Kweltekst bewerke]

Spriadkoord Baragan
  stunfögel   wonter-regiuunen   bräät-regiuunen

Baraganen bräät bi a küst an üüb eilunen uun a Nuurd- an Uastsia, oober uk uun't banlun. Diar sjük's kaninhööl an ööder steeden, huar's jo fersteeg kön.

Uun a geerels kön Baraganen sjauer weg loong ei flä. Sodenang kem grat sköölen tu Mellumsun of Trischen. Diar auerwontre's uk, so loong diar nään snä an is leit. Ööders waanre's widjer am a süüd tu Frankrik of Portugal.

Ütjsen[Bewerke | Kweltekst bewerke]

Baraganen wurd 58 bit 67 cm grat, hör jügen spään 110 bit 133 cm. Diarbi san a mantjin en betj grater üs a wiifkin. Jo weeg tesken 830 an 1500 g, uun't madel san't 1,180 kg. A wiifkin san aal wat smääler an lachter.

Kwelen[Bewerke | Kweltekst bewerke]

  1. Ei ferwaksle mä't Beragan

Ferwisang efter bütjen[Bewerke | Kweltekst bewerke]

Commons Wikimedia Commons hää bilen of filmer tu: Baraganen 
Wikispecies Wikispecies hää en artiikel tu: Baraganen 
Diheer artiikel luanet det leesen.
Didiar artiikel as uun det list faan gud artiikler, diar det leesen luane apnimen wurden. Uun uugenblak jaft at diar 73 faan.