Diskussion:Saaterlönj

We koone ai e saaterfrasche betiikninge önj en nordfraschen takst brüke. Eefter min miining schal dat sü: wan we nåån äine frasche/friiske noome hääwe, schan we jarst e offisjelle noome brüke (mååst tjüsch), ouders jeeft dåt hiil en dööreouder. Ouers e saaterfrasche noome schriwe we natörlik deerbai. Blot wan we diile foon en uurd hääwe, wat we suner probleeme ouerseete koone (süwat as -lönj/-land unti -borj/burg) schan we dat sü önj e takst bruke. Sü hääw ik dåt nü tumanst heer mååget, alsü ai t.B. Seelter Äi, ouers Sagter Ems unti Ait bai e naibergemiinde, ouers Friesoythe. Mån hü we dåt ma e lemata mååge, schan we nuch besüners ütspekuliire. Diheere artiikel koon je uk "Saaterloon" unti süwat hiitje. Wat miine jam? Frisia 14:24, 8. sep. 2010 (CEST)

För't Mooring koon ik det ei beuurdiale, ik koon man för't Öömrang snaake: Wi sai t.b. Flensborag(Flensburg) an Hamborag(Hamburg), man wi kön ei sai: Freiborag(Freiburg).
Det ianfachst liasang wiar det: Wi nem för di artiikel di ofisiel nööm: "Hamburg", oober uun di artiikeltekst di nööm faan det Nordfriisk spriakwiis, t.b. (mo.)Hamborj/Hambörj(?) (öö.)Hamborag. An do koon am widjerfeerangen (redirects) faan Hamborj asw. iinracht. --Murma174 15:57, 8. sep. 2010 (CEST)