Föriskep
 Söl'ring |
Di Fören fan di W.D.R. mut ek tö diip gung (<2 m), aurdat ön di Priilen bi Heef ek olterfuul Weeter es.
Des Föri heer bluat 570 kW. Dit giar uk.
Inhåltsfertiiknis |
[Beårbe] Föriskeepen ön Nuurđfriislön
En Föriskep es en Skep, hur em me di Wain üp mefaar ken. Sa Skeepen faar twesken di Ailöner en't Fastlön.
Fan Söl faart jen Skep hentö Rømø (Sii: Römöö, of üp Sölring en Dütsk: Röm), en dit diar Ailön es dör en Straatendam me't Deensk Fastlön forbünen.
Fan Föör, di Haligen en Aamrem faart di W.D.R. me soks Fören hentö Daagibel en Schliksiil.
Fan Söl ken em uk aur di Hindenborig-Dam me en Waintoch tö Naibel köör.
Fan Aamrem, Föör en di Haligen sen di Föriskeepen di iiningst Wai, me di Wain hentö't Fastlön tö kum.
[Beårbe] Forskelig Öndreften
Ali Föriskeepen haa Diesel-Maskiinen fan 570 bit hentö 4.600 kW, man di maaki forskelig Saaken diarme:
Di "Sylt-Express" maaket elektrisch Energii fan di Diesel, di dreft Generatooren ön. Des Maskiinen dreft da elektrisch Maskiinen ön, hurme dit Skep faart. Des Systeem jit "Diesel-elektrisch"
Dit gur aur des Systeem es, dat di Dieselmotooren langsen ön di beest Tuurentaal laap ken, hur di di miist Kraft fan di Diesel maaket fo.
Em snaket diar aur dit hoogst Draimoment.
Di Propelern fan di Sölring Föri ken om 360° drait uur, sa dat dit Skep ek omdrai brük, aurdat dit lik gau ön biiring Rochtingen faar ken. Sawat jit en "Dopeljen-Föriskep".
Des Skep brükt niin Ruuderanlaag, aurdat di Propelers drait uur ken.
En Dopeljen-Föri jeft bi di W.D.R. uk, sent di Juunimuun fan 2010: Di nii Skeps-Generatsjoon ("Uthlande V" en "Schleswig-Holstein IV) aarbert ek Diesel-elektrisch, man di Skeepen sen tömendst efen sa wendig.
Di Wai diarhen es en gans üđer jen wesen: Di diari Föri heer fjuur "Voith-Schneider-Propelers". Dit sen Giraaten, wat om en vertikaal Akse draie en draibaari Bleeren haa. Sa ken dit diar Skep "üp di Punkt draii" söner Bugstraal-Maskiinen twerk off drüki en en biiring Rochtingen lik gau faar. Dit diari Skep brükt uk niin senerk Ruuder muar.
Di W.D.R. snakit fan höör "jerst echti Dopeljen-Föri".
Eeđer knap en Jaar fan Ütprobiarin uur bislüten, dat di W.D.R. jit san Skep haa wel. Di "Schleswig-Holstein 4" skel dat taust Skep fan en nii Generatsjoon uur.
Hat ken ön biiring Rochtingen drai en di Nöös tö Sir drüki.
Di ialer Fören bi di W.D.R. sen uk Dopeljen-Fören, aurdat em fan fuarn en achtern diarüp köör ken, man di sen "klasisch" becht: Tau Maskiinen achtern, wat di Skrüüwen önddreft, tau Ruuders achtern. Des Skeepen haa Bugstraalmaskinen, wat diarfuar sen, di Bug tö Sir tö drüki, wan't om litji Huken giar.
Wan san Skep hentö Daagibel kumt, uur des Maskiin aaftinoch önsmeten. Dit maakit Spitaakel, en et hāremt en bet achter di Dieselrook, wat fuarn ön Bakbuurd ütkumt.
Di diar Skeepen skel ön ark Haawen omdrai, aurdat di bluat ön jen Rochting faar ken.
Bit hentö 2005 es dit uk bi di "Söl-Fören" sa wesen, wan di "Westerland" en di "Vikingland" diar faart sen.
[Beårbe] Foraneringen aur di Bidreft
Em kan somtirs meen, dat me di Skeepen ek muar inoch Jil fortiinet uur ken.
Di nii Generatsjoon fan Föriskeepen es sa becht, dat di me mener Aarberers faar ken en dat di ek muar omdrai brük (Ratsionalisiaring).
Di "Uthlande V" ken muar Wainer en Lir menem üs di ual Skeepen, en hat jit, dat di diarfuar mener of lik fuul Diesel brükt.
[Beårbe] Dat Malheur aur di Sölring Föri
Hat jit, dat dit me di "Sylt-Express" man sa temelk forkiirt gingen es, aurdat di Kalkulatsjoon, me 4.000 kW en 16 Kneten döör't Weeter tö brausi, ek funksjoniari kür.
Dat Skep nem noch olterfuul Diesel diarfuar, en di Aarberers kür dat ek skafi en fo di Faargasten fan't Skep en weđer diarön.
Üs em sair, wiar di Faargasten uk ek töfriar, dat ja ön di Föri ek muar rocht iit kür, aurdat dit alis sa gau giar. Sa faart di "Sylt Express" nü fuar't miist me 12 bit 13 Kneten en me Maskiinen, wat fuul tö gurt diarfuar sen.
Ön di Bigening fan 2011 uur dat Skep ütflagt tö Zypern, aurdat et niin Jil fortiini kür.
Hat ken nü wat leenger swaar blif, aurdat san Skep ombi 15 bit 20 Miljoonen Euro kostet.
Di Reederii heer aartig wat ön di Föri foranert, dat di Lir diar wat lefer me faar mai. Di "Sylt-Express" wiar aur di jerst Jaaren mesken en bet tö "steriil".
Nü sen diar Strönkorewen en Baanken henstelt uuren, dat em wat makelker büten üp Dek sit ken.
[Beårbe] Wat iinfacher uuren es
Ön di nii Sölring Föri, sa üs uk ön di nii Skeepen fan di W.D.R es't wat iinfacher uuren en köör diar me di Wain ön.
Bi di ual Sölring Föriskeepen wiar di Trapenhüüser ön di Meren, sa dat di Wainer trinjom des stönen, ön tau Reegen, lefts en rochts.
Ön Söl en Röm es't al pasiaret, ön Daagibel, Wyk en Witdün uur't becht: En ekstra Rampi fuar Futgungers, dat di fan di Sir ön di Skeepen kum ken en ek muar twesken di Wainer langs mut.
Di nii Skeepen haa uk Faarstööler (Āptochen), sa dat em uk me en Rulstööl fan't Waindek iin ön di Salon kum ken.
Fan di "Uthlande V" sair em, dat di jit köör ken, wan di ual Generatsjoon ek muaar üt di Haawen kum ken, en di skel uk mener Diesel brük. Des Skep giar uk bluat 1,70m diip.
Fan di "Sylt-Express" weet em dit ek, aurdat di sa gurt Maskiinen heer en uk mal diip giar (3,80m). Di Koptain sair man, dat dat Skep aur di Maaten gur tö manövriari es.
[Beårbe] Videogalerii
Di forskelig Skeepen sen forskelig becht, en somtirs skel diar uk wat ön maaket uur.
 |
Help: Video giar ek?
En bet wat aur "Uthlande V", en Bugstraalruuder, Maaleraarberen, dat Tankin en di "Sylt-Express".
Twesken Kiel en Oslo faar di Föriskeepen fan di Color Line, "Color Magic" en di "Color Fantasy".
Das Skeepen sen aartig wat gurter, en sa haa di Injeniööri jam wat üttacht, hur'ling em san Giraat ön di Haawen fastmaaki skel:
 |
Help: Video giar ek?
Di "Color Fantasy" es en mal gurt Föriskep.
