Pharisäer (Religioon)

Faan Wikipedia
Waksle tu: Nawigatjuun, Schük
Des Bidrach forklaaret di religiöösi Pharisäerbigrep. Hat jeft da uk jit Pharisäer (Drink). - Sünhair!
Sylt2.png Söl'ring


Bigrep[Bewerke | kweltekst bewerke]

Di Pharisäers (hebr. peruschim, di ofsönert Lir, lat. pharisæ|us, -i) wiar en theologisk Ütrochting ön't antik Judendom.
Ja wiar aktiif, wan di taust jüdisch Tempel[1] stön (ombi 530 f. Chr. - 70 a. Chr.). Diarachter es diarfan dit rabbinsk Judentom uuren, di iintsig Rochting, wat et jit jeft.

Ön't Nii Testament uur di Pharisäers Heuchlers nēmt, wat me Poleemik tö dön her haa skel. Di Bigrep uur ön Masi Lönen fan't kristlich Injemslön fuar salevgirocht Lir en Heuchlers brükt. Dat Uurt uur uk fuar Lir nemen, wat fuul en pütjerig kritisiari en diarbi ek rocht eeđer't Hiili luki. Di Achtergrün fan di Poleemikbigrep uur jir leeter forklaarit.

Pharisäers en Kristendom[Bewerke | kweltekst bewerke]

Kristus es bi en Pharisäer tö Bisjuk, fan Jacopo Tintoretto, Escorial

Dat Nii Testament es ön di taust Hualev fan't jerst en ön di jerst Hualev fan't taust Jaarhönert skrefen uuren.
Diarbenen es fan Pharisäers tö lees, wat töögen Jesus fan Nazareth aarberi. Fuaral sen di man sin wichtigst Diskusioonspartners.
Hat jeft Lir wat finj, dat diar olter hart sair uur, dat di Pharisäers bluat fan büten lukit haa, en dat dit diari üs Heuchelei olter kuurt töhopbraacht uur.
Des Lir sii, dat diarfan en Brükdom fan "Antijudaismus" kemen es, hurfan dit kām, dat dit en Skempuurt uur, hurfan di Drink ja noch uk sin Naam heer.

Fan des Lir uur dat Nii Testament sa forstönen, dat di Pharisäers diar olter ginau achter't Iinhualen fan Riinhairsgisetsen lukit haa, man Jesus wel dat urkristlich Prinsip fan di God- en Naiberslefhair üs jerst se. Di Bigrüning uur fan des Zitaat nemen: En ik forklaari ju: Wan ju Girochtighair ek beeter es üs di fan di Skriifkönstlers en Pharisäers, da ken i ek iin ön't Hemelrik kum." (Mat 5:20)

Üđer Lir meen, dat di negatiif Meening aur di Pharisäers gur fuar di Mission wiar, aurdat di jerst Kristen (ombi 70 a. Kr.) taacht haa skel, dat ja di rocht Juuden wiar en dit ual Judendom, huarfuar uk di Pharisäers stön, nü gans gur wech kür.
Diarfuar skel di jerst Kristen en negatiif Skelt fan di Pharisäers weegit haa (Poleemik).

Forwiisen / Futnooten[Bewerke | kweltekst bewerke]

  1. http://de.wikipedia.org/wiki/Israelitische_Tempel