Rölken

Faan Wikipedia
Waksle tu: Nawigatjuun, Schük
Amrum.pngTekst üüb Öömrang


Rölken
Rölken (Salicornia europaea) bi a waaskaant.

Rölken (Salicornia europaea) bi a waaskaant.

Süstemaatik
Hoodkategorii: Plaanten (Plantae)
Klas: Bloosenplaanten (Magnoliopsida)
Kategorii: Caryophyllales
Famile: Amaranthaceae
Slacher: Rölken slacher (Salicornia)
Slach: Rölken
Wedenskapelk nööm
Salicornia europaea agg.
Uun a harewst wurd rölken ruad.

Rölken (fe.:Ool) (Salicornia europaea) faal üüb troch hör flääskag twiigen. Jo san en pioniirplaant bi a waaskaant.

Ütjsen[Bewerke | kweltekst bewerke]

Rölken san ianjuarag plaanten an kön faan 5 cm bit 45 cm huuch wurd. Jo hiar tu a saaltplaanten, hör twiigen san flääskag an glääsag, a bleeden san man skolpen. Miast san rölken green, kön oober uk güül-green of brün-ruad wurd. Tu a harefst hen wurd's ruad. Jo bleu uun August an September, a bloosen san oober man letj an knaap tu sen.

Föörkemen[Bewerke | kweltekst bewerke]

Uun a madel breetjin üüb a nuurdelk eerdheleft faan Euroopa bit Aasien könst Dü rölken finj. Jo plaanten kön widj iin uun a waas waaks, auer jo hal auerspeeld wurd kön an föl saalt ferdreeg. Rölken waaks miast tuup mä waasgäärs (Spartina slacher). Uun a waas bi Nuurd- an Uastsia, bi a Atlantik an uun a Madlunsia waaks rölken rikelk, man uk uun't banlun üüb saalten, kleiagen grünj.

Nat[Bewerke | kweltekst bewerke]

Rölken surge diarför, dat ham muar an muar klei ufsaat. Sodenang halept det plaant bi a seekrang faan a küsten.
Dü könst rölken uk iidj. Diarför namt am a jong spasen faan a twiigen lefst uun Mei. Jo smääk en betj pöbrag an wurd rä of uk kööget eden.
Iarjuaren hää am diar uk siap faan maaget.

Luke uk diar[Bewerke | kweltekst bewerke]

Commons Wikimedia Commons hää bilen of filmer tu: Rölken 
Wikispecies Wikispecies hää en artiikel tu: Rölken