Ääderstää
(Widjerfeerd faan Eidersteed)
 Täkst aw mooringer frasch
|
Ääderstää (aw Dånsch: Ejdersted, aw Tjüsch: Eiderstedt) as en huulewailönj önj e kris Nordfraschlönj än as amänbai 30 km lung än 15 km briidj, wat foont iir 1000 ouf döört bägen foon dike (kuuch) än loonwining üt da trii ailönje Utholm (bai Tating), Ääderstää (bai Taning) än Eewerschop (bai Garding) wüchsen as. Amdåt da trii ailönje hiirde, d. h. äinständie ferwaltingsdistrikte wjarn, wörd dåt gebiit foon e huulewailönj Ääderstää iirtids uk Triilönje nååmd. Gåns tüüpisch for Ääderstää san da hüsinge, da sü nååmde haubärje. Woortiiken foon Ääderstää as uk di iiljtörn foon Westerheewer.