Innogy (Skep)

**Innogy**
Skepsdaaten
Flag	Dütsklön'
Üđer Skepsnoomer	Inselstadt Ratzeburg (2007–2017)
Skepstyp	Ütflocht/Krütsfaarer
Heimathaawen	Essen - Haus Scheppen
Jert tö	Weiße Flotte Baldeney GmbH
Werew	Bechning (2006); en Ombechning (2017): Lux-Werev, Mondorf (Niederkassel), nai bi Bonn
Becht öner Numer	178
Fan di Staapel löpen	2006
Ofblewen	ön Faart
Maaten en Manskep
Leengdi	29,00 m (hiilendal)
Breetji	4,80 m
Diipgung	max. 0,55 m
Maskiin
Maskiin	7 HT PEM Brenstofselen (ark 5 kW);; Volvo D7CTA-Dieselmaskiin fuar di Seekerhair en en 100 kWh-Akkumulaator
Maskiinenkraft	247 PS, ombi 190 kW (Dieselmaskiin)
Kapatsiteet
Tank	330 Liter / 0,33 m³
Pasajiiri	180

Söl'ring

Di Innogy es en Skep fuar Ütflochten. Jü es dit jest Skep ön Dütsklön, wat me Methanool-Brenstofselen öndrewen uur.
Di Innogy lapt bi di Weisse Flotte Baldeney-GmbH ön di Baldeney-See bi Essen.

Histoorie[Bewerke | Kweltekst bewerke]

Di Innogy jert tö en „Greenfuel“-Projekt fan di RWE-Daachter Innogy. Dit Skep skel weegi, hur'ling em me E-Fuels (Driifstof, wat me (Ööko-) Stroom, Lucht, Köölendioksid en Weeter maaket uur) önerwai wiis ken.
Dit Koopin en di Ombechningen haa ombi 2 Miljoonen Euro kostet, en diarbi heer di Stat Essen holpen. Dit Jil kām fan en Pot "Grüne Hauptstadt Europas – Essen 2017".

E en E-Program Pa-X-ell[Bewerke | Kweltekst bewerke]

Dit Systeem es töhopstelt fan en Methanool-Omseeter en Brenstofselen. Becht waar di Giraaten üs en Diil fan dit Pa-X-ell-Program, wat uk help skel, dat di gurt Krütsfaart-Dampern jaar Stroom söner Diesel maaki ken. Di Meyer-Werev fan di Weeser heer sa'n Systeem iin ön en gurt Krütsfaarer becht.

Dit Skep[Bewerke | Kweltekst bewerke]

Di Innogy es en Skep fuar Ütflochten, wat di RWE-Daachter Innogy fuar en Ombechning tö di Lux-Werev braacht heer. Dit Skep wiar sent 2006 üs "Inselstadt Ratzeburg" ön Ratzeborig önerwai wesen.

Di elektrisk Maskiin fair höör Stroom fan soowen Brenstofselen, wat fan Deenemark kum. Di Firma SerEnergy heer des Giraaten fan di Typ HT PEM (Hoogtemperatuur-Polymeer-Elektrolytmembraan) üttaacht en becht.
Dit Systeem heer en Macht fan 35 kW fan soowen Moduuli, ark me 5 kW. Des sen iin ön en Skrekelskaap iinbecht.
Di Brenstofselen leer en Akkumulaator me ombi 100 kWh Kapatsiteet āp, en me des lapt di Elektromaskiin.

Di Wāremker fan di Brenstofseli helpt di Methanool-Omseeter bi sin Aarber. Iin ön di Tank fan't Skep sen 330 Litern Methanool.

Di Brenstof[Bewerke | Kweltekst bewerke]

Dit Methanool uur fan en Elektrolysigiraat maaket, wat fan di Weeterkraftönlaag jüst bi di Baldeneysee Stroom fair. Di Önlaag es tau maal tau Meetern gurt en nemt Köölen-Dioksid üt di Lucht. Töhop me Weeter en Stroom uur diar Methanool fan maaket.