Krais-Tsülinder

Söl'ring

En Krais-Tsülinder me Raadius (r) en Hoogdi (h)

En Krais-Tsülinder es en Körper, wat fan tau lik Kraisi aurenachtler küm en me en "Wuch" trinjom forbünen uur.

Bireekning fan di Rüm (Woluumen)

Di Bireekning giar me't Areaal fan jen Krais en di Hoogdi fan di "Wuch".

Dit meent:
Woluumen V= Areaal A x Hoogdi h:

$A=\pi r^{2}$

en diarom uk

$V=\pi r^{2}h$

Bispöl Motoor-Tsülinder

En Motoor es me 12 Tsülinders öndönen, en ark jen heer en Bööring fan 240 mm en en Kolbenwai fan 270 mm.
Wü wel nü weet, hurfuul Kolbenrüm di Motoor heer.

Dit skel em nü omset:
Di Raadius es dit Hualev fan di Bööring, dit meent

$240mm/2=120mm$

Wü brük fuar üs Bireekning dat Areaal fan di Krais:

$A=\pi 120^{2}mm^{2}$

Me di rocht Omreekinng jit dit:

$A=\pi 12^{2}cm^{2}$ (Wü brüki jaa cm³, en da skel wü me cm reekni.)

Dit meent:

$A=3,14159*12cm*12cm=452,38896cm^{2}$

Des skel wü da me di Hoogdi maalnem (Multiplitsiari).
Di Hoogdi es lik me di Kolbenwai.

Üüs Bireekning fuar jen Tsülinder es da:

$V=452,38896cm^{2}*27cm=12.214,50192cm^{3}$

Des Woluumen brük wü nü üs Liters:

$12.214,50192cm^{3}:1000=12,21450192l$

Des sen al litj "Aamers".
En des skel wü da fuar 12 Tsülinders bireekni.
Fuar dit iinfacher tö maaki, uur di Liters üp 12,21 rundet:

$12,21l*12=146,52l$, rundet 147 Liters.

Hurfuar brükt em san gurt Maskiin?
Di Bireekning es temelk ginau di fan di MAK 12M282, wat iin ön di Lokomotiiwi MAK DE 2700 sit. Diar drift di me bluats 1000 /min (Omdraiingen/Minüt) en Generator ön, wat 2.650 kW ofdair. Muar diartö öner Iirsenbaan.
Normaalerwiis wiar di Maskiin man üs Skepsdiesel taacht. Di Wyker Dampfschiffs-Reederei heer Föriskepen me MAK-Motooren diarbenen, mesken wat litjer üs di Jiri.