Meklenborig Bocht

Tekst üüb Fering

Koord faan det Meklenborig Bocht

Det Meklenborig Bocht (üüb Tjiisk: Mecklenburger Bucht of Mecklenburgische Bucht, üüb Deensk Mecklenburg Bugt) as en bocht, wat uun a süüdwaast faan't Uastsia leit. Det as det gratst bocht uun det tjiisk dial faan't Uastsia. Uun a süüd an uast leit at bundeslun Meklenborig-Föörpomern an uun a waast leit at bundeslun Sleeswich-Holstian. At liinje, wat at nuurdgrens faan't bocht maaget, lingt faan't uastspas faan't eilun Fehmarn, Staberhuk, uun Sleeswich-Holstian tu't nuurdspas faan det hualew eilun Darß, Darßer Ort, uun Meklenborig-Föörpomern. Det Lübeck Bocht an det Wismar Bocht san dialen faan det Meklenborig Bocht. Uun't bocht lei a eilunen Poel, Walfisch an Langenwerder, wat nai bi Wismar san. Dön gratst huuwner bi't bocht san Lübeck, Rostock an Wismar.

Det Meklenborig Bocht as mä det Kiil Bocht faan a Fehmarnsun ferbünjen.