Code faan sidj Oluf Braren/fe uunluke

{{Navigationsleiste
|TITEL="{{PAGENAME}}" uun öler spriikwiisen
|INHALT=
[[Oluf Braren/sö|Sölring]]&nbsp;
[[Oluf Braren/öö|Öömrang]]&nbsp;
[[Oluf Braren/fe|Fering]]&nbsp;
[[Oluf Braren/ha|Halunder]]&nbsp;
[[Oluf Braren/hl|Halifreesk]]&nbsp;
[[Oluf Braren/mo|Mooring]]&nbsp;
[[Oluf Braren/wi|Wiringhiirder]]&nbsp;
[[Oluf Braren/ka|Karhiirder]]&nbsp;
[[Oluf Braren/go|Gooshiirder]]
}}
{{Fering|Braren}}
[[Datei:Oluf Braren - Ing Peter Matzen.jpg|thumb|Oluf Braren sin bilj<br />''Ing Peter Matzen mit Kindern''.]]
[[Datei:GrabOlufBrarens.jpg|thumb|Oluf Braren san likstian.]]

'''Oluf Braren''' (* 25. Febrewoore [[1787]] uun [[Olersem]]; † 22. Maarts [[1839]] uun [[Taftem]]) as a bekäändst konstmooler faan [[Feer]] an sin biljen wurd ei bluat üüb’t eilun uun iaren häälen. Hi hed ham salew at moolin bibroocht an hed fermaak diaruun, üüb sin biljen fering lidj an leewent tu wisin.

== Leewent ==
Oluf Braren wurd 1787 uun Olersem üüb Feer bäären. San aatj wiar diar smas an büür. Hi wul hal haa, det Oluf efter sin skuultidj uun a smasliar ging, oober Oluf wul leewer skuulmääster wurd an so kaam at uk.
Hi wiar noch nian 20 juar ual, üüs’r sin iarst skuulmäästersteed üüb [[Sal]] fing. Diar liard'r uk sin wüf Meete Wilhelms ütj [[Archsem]] keenen. Jo freid di 25. September 1808, an hög juaren leeder ging det paar turag tu [[Ödersem]] üüb Feer.  Diar ded Oluf iarst uun [[Madlem]] onerracht an küd do bi’t skuul uun Ödersem uunkem. Oluf as mä sin Meete ei lokelk wurden. Hat hed ei so’n grat hood üüs hi an diar kaam uk nian jongen.

Uun Ing Peter Matzen, wat bi ham tu skuul weesen wiar, foon Oluf en wüf, wat ham fersted. Hat kaam faan [[Hedehüsem]] an hed en bruler Peter Nahmen, wat uk konstmooler wiar. Dediar bruler hee sogoor bi de bekäänd mooler [[Wilhelm Tischbein]] uun [[Eutin]] liard, huar Oluf ham uk ens besoocht. De iinflööd faan Tischbein as uk bi Braren tu käänen. Oluf hee sin wüf ei ferleet, oober hi wiar mä Ing auer juaren so nai ferbünjen, det hat tau jongen faan ham fing. Auer detdiar dun skul’r efter twaalew juar sin baantje uun Ödersem apjiiw an en ring betaalet steed uun Taftem uunnem, huar'r 1839 uun aaremmud stoorew. 

== Werk ==
Det sin biljen an sin konst noch rocht tu iaren kaam, hee hi ei muar belewet an felicht uk ei mä reegend. Oluf hee nemelk för ham salew an sin aanjen moolet. At san dörtig biljen faan ham bekäänd, huarfaan spiitigerwiis a besten 1980 bi en ial uun't Altonaer museeum apbraand. Diartu hiard uk det bilj, wat'r faan Ing an sin tau jongen Gardina an Peter Matthias moolet (rochts boowen).

Tu sin biljen teel:
* Selbstbildnis, +- 1820 
* Helena, 1820er juaren 
* Porträt Oluf Oken, 1820er juaren 
* Jong Göntje Braren, 1820er juaren 
* Föhrer Braut, +- 1830 
* Haustrauung auf Föhr (ei klaar), +- 1830
* Ing Peter Matzen mit Kindern, +- 1820 

== Literatüür ==
* Wilhelm Niemeyer: Oluf Braren, Der Maler von Föhr 1787-1839; Furche-Verlag Berlin 
* Ernst Schlee: Der Maler Oluf Braren 1787-1839; Husum Druck- und Verlagsgesellschaft Husum 1986 

== Luke uk diar ==
{{Commonscat fering|Oluf Braren|Oluf Braren}}

== Ferwisang efter bütjen ==
* [https://web.archive.org/web/20110719052312/http://www.kirche-foehr.de/laurentii/0016Oluf%20Braren.html Beskriiwing faan Oluf Braren san likstian.]
* [http://www.slesvigland.dk/pdf/1984-02.pdf Slesvigland 02/1984] (me Bilen)

{{Gud artiikel}}

{{Normdaten}}

[[Kategorie:Konstmooler|Braren]]