Philipp II. (Spanje)
 Tekst üüb Fering
|
Philipp II. (üüb Spaans: Felipe II, üüb Portugiisk: Filipe I, üüb Italjeens: Filippo II; üüb Waastfresk: Filips II; ; * 21. Mei 1527 uun a Palacio de Pimentel, Valladolid; † 13. September 1598 uun El Escorial, nai bi Madrid) wiar faan de 25 Jüüle 1554 üüs Philipp I. köning faan Neapel an Sisiilien, faan de 16. Janewoore 1556 üüs Philipp II. köning faan Spanje an Sardiinien an faan de 12. September 1580 uk üüs Philipp I. köning faan Portugal. Hi wiar uk hersker faan dön Spaans Neederlunen, diarfaan Waastfresklun en dial wiar. Hi wiar uk, üüs köningin Maria I. san maan, faan de 25. Jüüle 1554 tu de 17. Nofember 1558, köning faan Ingelun an Irlun. Hi hiart tu't familje faan Habsburg. Üüs hi köning wiar, wiar det Spaans Rik üüb de huuchst ponkt faan sin iinflööd an meecht. A Filipiinen, wat a spanjers faan 1565 tu kolonisiaren begand, wurd efter ham neemd. Uun sin reegiment ferlus Spanje a nuurd faan dön Spaans Neederlunen, wat de nei suwereen stoot a Neederlunen wurd. Hi ferschükt 1588 Ingelun, wat en frinj faan a Neederlunen wiar, iin tu faalen, man loket ei.
Hi wiar fjauersis befreid:
- sin iarst wüf faan 1543 wiar Maria Manuela faan Portugal (1527–1545) .
- sin naist wüf faan 1554 wiar Maria I., köningin faan Ingelun (1516-1558).
- sin traad wüf faan 1559 wiar Elisabeth faan Valois (1545-1568).
- sin fjuard an letst wüf faan 1570 wiar Anna faan Uasterrik (1549-1580).