Rungholt (Skep, 1992)

Söl'ring

Rungholt

Di Rungholt faart fan Wyk wech. Di Rungholt faart fan Wyk wech.

p1 Skepsdaaten Flag Dütsklön' Dütsklön' Skepstyp RoRo-Schiff Rööpteeken DJEY Heimathaawen Wyk auf Föhr Jert tö Wyker Dampfschiffs-Reederei Föhr-Amrum Werew Hüsemer Skepswerev Fan di Staapel löpen 10. April 1992 Ön Faart braacht Juuni 1992

Maaten en Manskep Leengdi 67,84 m (hiilendal) Breetji 14,80 m Diipgung max. 1,96 m Formeeting 2265 BRZ

Maskiin Maskiin 2 x MaK Typ 6 332 Maskiinenkraft 1920 kW Gauest Faart 12,5 kn (23.2 km/h) Skrüüw(en) Lips-Forstelpropelern iin ön Kort-Düüsen

Kapatsiteet Pasajiiri 1190 (me Senskiindek) Autos 55 Pkw

Üđers wat Klasi Germanischer Lloyd Registernumer IMO 9038660

Di Rungholt es en Föriskep fuar Autos en Pasajiiri. Jü faart fuar di Wyker Dampskeepen-Reederii Föör-Aamrem

Histoorii

Di Rungholt waar 1992 bi di Hüsümer Skepswerev becht. Jü es eeđer di "Föriskeepenseerie" becht, wat 1972 me di "Schleswig-Holstein II" bigent waar (Biskriiwing üp di Sir aur di W.D.R.).
Bi ark nii Skep waar wat forbeetert: Wiar't bi di "Nordfriesland V" (1978) en di "Uthlande IV" (1980) di hydraulisk Bugwisiiri of di Forleengering en bi di "Schleswig-Holstein III" fan 1988 en Retingsbuat me Bensiinmotoor, sa wiar't bi "Rungholt" en nii, breereri Rump, gurter Maskiinen en Propelers, wat iin ön Kort-Düüsen löp. Forskeligi üđer Modernisiaringen fan di ialer Skeepen waar uk metjens me iinbecht. Nii wiar dit hydraulisk Wisiir, wat nü uk achtern iinbecht waar.
Ön di 10. April 1992 waar di "Rungholt" tö Weeter leten. Döpt waar jü fan Hanna Bradhering. Tö Proof waar ön di 29. Mai 1992 faart. Sent Juuni 1992 es di Föri twesken Daagibel, Wyk en Witdün önerwai.

Senerkhairen aur di Rungholt

• Di Piiler me di Rookröören sit ek muar üp Tweskendek, di sen en Dek hooger üp't Senskiindek.
• Di Rungholt heer üs jest Autoföri bi di W.D.R. uk achtern en Hydraulik-Wisiir.
• Di Föri es knap 2 Meeters breerer üs di ialer Skeepen.
• Di Maskiinen haa ombi 70% muar Kraft üs bi di ialer Skeepen bit 1980.

Giar't jit förter?

Eeđer di "Rungholt" kām jit dit leest Skep fan di Reeg, di Nordfriesland VI (1995). Diar sen di Foraneringen bal ek muar tö keen, man fan di Technik waar dach jit en bet wat maaket. Sa markiaret di Nordfriesland VI dit Jen fan en lüng Reeg aur 23 Jaaren. Di Rungholt, di Nordfriesland en höör tau litjer Sesterskeepen wiar bit 2010 dit Maat fan di Föriskepsforkiir langs di Priili.
Di litjer Skeepen sen forswünen (Fuar't Miist forkoopet, ek wechdönen), man di Rungholt en di Nordfriesland skel dach temelk wes jit hok Jaaren me langs laap.

Luki uk jir

• Föriskeepen ön Nuurđfriislön
• Wyker Dampskeepen-Reederii (Dütsk)
• Biskriiwing bi di WDR (Dütsk)