Schoobel

Schoobel (go.: Schööbel, deensk: Skobøl, Dütsk: Schobüll) es sent 2007 en Diil fan Hüsem ön Nuurđfriislön ön Sleeswig-Holstiin. Ön Schoobel uuni ombi 1600 Mensken üp 7,8 km². Naa di Hüsemböör Meren sen dit 4 km.

Geografii en Forkiir

Schoobel liit ön di nuurđweestern Huk fan Hüsem bi di Weeterkant. Uasterfuar lapt di Bundesstraat 5 fan Hüsem naa Naibel. Schoobel es di iinigst Plaats ön di sleeswig-holstiinsk Weesterkant, hur di Geest bit tö di Nuurđsee giar. Aurdat di Geest wat hooger liit, tört em fuar Schoobel niin Dik bech.^[1]

Hälbel (dänisch: Halebøl, dütsk: Halebüll) ön Nuurđen en Hukensbel (dänisch: Hokkensbøl, dütsk: Hockensbüll) sa üs Lund (süđern) sen jit Diili fan di wesen Gimiindi Schoobel.

Histoorii

Schoobel es en Sērktērp, wat om 1200 jest Lop dialskrewen stön. Di Noom kumt fan Soubu of Skovby en meentWaldtērp (deensk skov ≈ Wald). Wan di Wald wechsaaget uuren wiar, es diar Hiir wukset. Ön di Bigening fan't 20. Jaarhönert waar weđer Bosken en Boomer plaantet. Sent 1954 stuunt di Wald üs en Diil fan di Schoobeler Bārig öner Lönskepssküül. Sent 1974 es dit uk en Fuarhaalingswald (Forördning fan't Lön Sleeswig-Holstiin)

Aur di Sērk, dit "Kirchlein am Meer", weet em ek oltefuul. Em meent, dat jü ön't 13. Jaarhönert becht uuren es. Di Sērk stuunt ön di "Schoobeler Bārig", wat me 31 m aur NN jen fan di hoogst Plaatsen fan di sleeswig-holstiinsk Weesterkant es. Aur en lung Tir wiar dit "Kirchlein am Meer" uk üs en Seeteeken fuar Skeepen nöörig, wat naa Hüsem faar wil. Delings Sērkhüüsing es man fan ombi dit Jaar 1600. 1780 breek di Türn önsteken, en achterön waar en nii Jen becht, wat ek sa hoog wiar en beeter me di Winj ön di Weeterkant omkür.

Schoobel jert sent di 1. Januwaari fan 2007 tö di Stat Hüsem.^[2]

Wertskep

Jer waar fuaral ön Buererii en Hopkrabenfeskin aarbert, deling uur ön Schoobel muar uunet, en di Mensken köör naa Hüsem tö Bruarwening.
Muar en muar nemt uk di Tourismus sin Plaats, sa heer Schoobel al leenger en Campingplaats, hur em masi Saaken koopi ken, wat aaftinoch fuar Touristen taacht sen.

Uuremin

Di Hüsemböör Statdiil Schoobel es üs Luchtkuurtērp ütteeknet.

Futnooten

↑ Di dütsk Nuurđseekant es ombi 658 km lüng. Diarfan sen bluat 12 km söner Dik. Dünemern nem di Plaats fan en Dik bi Duhnen (...) en bi St. Peter üp Eiderstedt. Da jeft et jit bi Schoobel (... ) en Stek Kant söner Dik. Diar giar di Geest bit hentö di Heef. - Aurseet fan: Christian Degn u. a. (Hrsg.): Seydlitz 1. Das deutsche Vaterland. Wir und die Welt, Kiel, Hannover, 7. Aufl., 1954, S. 74.
↑ StBA: Änderungen bei den Gemeinden Deutschlands, siehe 2007

Literatuur

Paul Klinghammer: Das Landschaftsschutzgebiet Schobüller Berg und der Erholungswald Schobüll, in: Verein für Naturschutz und Landschaftspflege Mittleres Nordfriesland (Hg.): Unsere Natur, Nr. 8, 1991. In: Kreisarchiv Nordfriesland.
Dieter Reichardt: Schobüll – Ein Rundgang durch das Dorf. Husum Druck- und Verlagsgesellschaft, Husum 2002, ISBN 978-3-89876-013-3.
Schobüll. Eine Chronik in Berichten und Geschichten - Schobüll. Halebüll. Hockensbüll. Lund. Husum Druck- und Verlagsgesellschaft, Husum 2014, ISBN 978-3-89876-694-4.

Weblinks

Commons: Schoobel – Saamling fan Skelter en Videos

[1] Di dütsk Nuurđseekant es ombi 658 km lüng. Diarfan sen bluat 12 km söner Dik. Dünemern nem di Plaats fan en Dik bi Duhnen (...) en bi St. Peter üp Eiderstedt. Da jeft et jit bi Schoobel (... ) en Stek Kant söner Dik. Diar giar di Geest bit hentö di Heef. - Aurseet fan: Christian Degn u. a. (Hrsg.): Seydlitz 1. Das deutsche Vaterland. Wir und die Welt, Kiel, Hannover, 7. Aufl., 1954, S. 74.

[2] StBA: Änderungen bei den Gemeinden Deutschlands, siehe 2007

[1]

[2]