Code faan sidj Vikram Samvat uunluke

{{Öömrang}}

'''Vikram Samvat''' as di amtelk [[kalender]] faan [[Nepaal]].

''Vikram Samvat'' (V.S.) gongt turag üüb en ual [[Hindu]] traditjuun. Hi as näämd efter könang [[Vikramaditya Samvat]] an racht ham efter a [[muun]]faasen. Di V.S. lääpt di [[Gregoriaans kalender]] am 56,7 juar föörütj: Det juar [[2000]] as det juar 2056/57 efter Vikram Samvat. At nei juar begant di 13. [[April]] an arke nei muun begant uun a maden faan a krastelk muun. Di V.S. woort fööraal uun a stootsaperoot, uun a bleeden an bi't könanghüs brükt. Diar san twaalew muuner, diar oober ei mä a krastelk muuner auerian steme. 
== Muuner ==

{| class="wikitable"  style="float:left; empty-cells:show; width:300px; margin-left:0.5em;"
|+Vikram Samvat
|-
!Nööm || Düür (daar) || Internatjunaal tidjreegnang
|-
|Baishak || 31 ||April-Mei
|-
|Jesth || 31 ||Mei-Jüüne
|-
|Ashad || 32 ||Jüüne-Jüüle
|-
|Sawan || 32 ||Jüüle-August
|-
|Bhadau || 31 ||August-September
|-
|Ashwin || 30 ||September-Oktuuber
|-
|Kartik || 30 ||Oktuuber-Nofember
|-
|Mangshir || 29 ||Nofember-Detsember
|-
|Poush || 30 ||Detsember-Janewoore
|-
|Magh || 29 ||Janewoore-Febrewoore
|-
|Falgun || 30 ||Februar/März
|-
|Chaitra || 30 ||Maarts-April
|}
{{ufsaat}}

== Ööder kalendern uun Nepaal ==
* Bütj V.S. woort uk di '''Shaka Samvat''' brükt, fööraal faan astroloogen. Hi racht ham efter könang [[Salivahan]], di jin könang [[Soma Kant]] uun't juar 77/78 f.Kr. streden hää. 

* Di '''Nepaal-Samvat''' kalender as faan a [[Malla]] könger iinfeerd wurden. Hi begant uun't juar [[879]] efter [[Krast]].

* Di ''Tibeetisk kalender'' '''Bot Gyalo''' (tibeetisk: ''bod rgyal lo'') woort faan a flücht [[Tiibet|Tibeetern]] an [[Sherpa]]s brükt. Hi gongt turag üüb det [[Tantra]]-süsteem [[Kalachakra]] faan't juar [[1026]]. At tidjreegnang ferlääpt uun en 60-juaragen kalender mä fiiw ''elementen'' (holt, ial, eerd, iisen, weeder) an twaalew ''diarten'' (müs, oks, tiiger, haas, draag, slaang, hingst, sjep, aab, fögel, hünj, swin). Sodenang san diar 5 x 12 = 60 mögelk ferbinjangen.


[[Kategorie:Kalender]]
[[Kategorie:Nepaal]]