Waastslaawisk Spriiken

Tekst üüb Fering

Dön Waastslaawisk Spriiken san een faan dön trii twiichen faan dön Slaawisk Spriiken, wat tu dön Indogermaans hiar. Jo wurd faan amanbi 56 miljuunen lidj uun a uast faan Madeleuroopa, fööraal uun Poolen, Tschechien, at Slowakei an’t Lausitz snaaket.

Tu det waastslaawisk spriikfamilje san:

Lechisk Spriiken
- Poolsk
- Polaabisk †
- Pomoraans
  - Waastpomoraans †
  - Kaschuubisk-Slowinsisk
    - Kaschuubisk
    - Slowinsisk †
Sorbisk Spriiken
- Liachsorbisk
- Huuchsorbisk
Tschechisk-Slowaakisk Spriiken
- Tschechisk
- Knaanisk †
- Slowaakisk
- Batschka-Rusiins (det letst wurt uk üüs en uastslaawisk spriik sen)

Markmoolen faan dön waastslaawisk spriiken

Uurslaawisk *or, *ol, *er, *el twesken konsonanten san uun det tschechisk-slowaakisk skööl üüs ra, la, rě, lě an uun dön öler westslaawisk spriiken üüs ro, lo, re, le fertreeden; tu bispal: uurslawisch *morzъ froost as üüb poolsk an huuchsorbisk mróz, liachsorbisk mroz, tschechisk an slowaakisk mráz; an uurslaawisk *melko moolk as üüb poolsk mleko, tschechisk mléko, slowaakisk mlieko, huuchsorbisk an liachsorbisk mloko.
Uurslaawisk *tj an *dj san üüs c an (d)z fertreeden; tu bispal: uurslaawisk *světja laacht as üüb poolsk świeca, tschechisk svíce, slowaakisk svieca, kaschuubisk swiéca, huuchsorbisk an liachsorbisk swěca; an uurslaawisk *medja gredstripel as üüb poolsk miedza, tschechisk meze, slowaakisk medza, huuchsorbisk mjeza an liachsorbisk mjaza.