C. P. Hansen

Söl'ring

C.P. Hansens ual Hüs.
Ön di Somer es trinjum dit masi Spitaakel.

Christian Peter Hansen es Skuulmaister en Köster üp Söl wesen.
Hansen es ön di 28 August fan 1803 tö Warel kemen. Storefen es hi ön di 9. Detsembermuun fan 1879.
C.P. Hansen wiar di Dreeng fan Jap Peter Hansen, en diarom wiar hi fuar't Miist üs Krischan Japen of Kiitji Japen bikeent.
Hi heer masi aur di Sölring Histoorii ütfünen en āpskrefen. Diar sen da uk Kaarten me ual Fluurnaamen bi ütkemen.
Hansen hee en ethnograafisk Saamling fan ual Kraam üs stiinern Knefen, en üđers, wat di Lir jerer bit Hüs her haa.
Des Saamling heer Hansen ön sin Bok "Sagen und Erzählungen der Sylter Friesen" (1875) biskrefen, wat em jit ön Antikwariaati fing ken.
Me en Diil fan di Saamling es di Museumsaarber fan di Sölring Foriining bigent uuren, en dat "Altfriesische Haus" (Üp Sölring sair em "Ual Hüs") es dat Hüs fan C. P. Hansen wesen.

Masi Bokern fan höm sen ütkemen, en di wiar ön dütsk en sölring skrefen.
Diarme heer C. P. Hansen uk fuul diarfuar dönen, dat di sölring Orthografii förter ütbecht uur kür. Di diari wiar ja man jerst ombi 40 Jaaren ual.
Bi des Skriifwiis falt āp, dat diar ön di jerst 100 Jaaaren di "Konsonatenfordopeling" wesen es, sa üs wü dit ön Dütsk keen, wan di Vokāl fuarüt kuurt es: Delling, lekkelk, knorrig, ... . - Dit heer höm noch eeđer Boy Peter Möller sin Uuurterbok (1915) foranert.

Hansen heer me sin Aarber förtermaaket, wat sin Faađer, Jap Peter Hansen bigent heer:
Di Sölring Literatuur, wat en gurt Wert, uk en jüst fuar di Nuurdfriisk Saamlingen es.
Sok Bokersaamlingen ken em t. B. ön't Nuurdfriisk Instituut finj, en uk di Antikwariāti haa jit wat öntöber.

Luki jens diar!

• C.P. Hansen ön di Daatenbank fan't Nordfriisk Instituut