Dünemfisel

Tekst üüb Öömrang

Dünemfisel
Dünemfisel (Eringium maritimum)
Süstemaatik
Ufdialang: Tracheophytes Klas: Bloosenplaanten (Magnoliopsida) Kategorii: Apiales Famile: Fisler (Apiaceae) Slach: Dünemfisel
Wedenskapelk nööm
Eryngium maritimum
L.

At dünemfisel (uk strunfisel, sö.Ströntistel) (Eryngium maritimum) as en plaant ütj det famile Apiaceae.

Beskriiwang

Bloosenkurew faan en dünemfisel.

Det 10 bit 40 cm huuch dünemplaant as mä en 2 m jipen starken rut fääst mä a grünj ferwoksen. At dünemfisel hää en hunfol twiigen mä stif, borag blä-green bleeden. Jo bleeden haa en witjen kaant an luup üüb't aanj spas tu. At hialer plaant as blä-witj faan waaks auertaanj. A bloosen stun nai tuup üs uun en kurew.

At dünemfisel bleut faan Jüüne bit Oktuuber an fermuaret ham troch flenerker an ööder insekten. At siad woort faan a winj widjer draanj.
At waaks suragt diarför, dat det plaant ei ütjdrüget. An jo hard an stif bleeden kön en sturem mä sunstoof ütjhual.

Tiaknang faan en dünemfisel

Föörkemen

Jo plaanten fanjst dü bi a weederkaant uun Euroopa. Jo waaks uun en saalten grünj üüb a witjdüner. Dünemfisler stun miast tuup mä halembosker.
Enkelt föörkemen jaft at al goorei muar, diaram san's üüb a 'ruad list' kimen. At dünemfisel brükt föl saalt, diaram koon't üüb grä- an bründüner ei lewe. Uk det beplaantin faan a witjdüner koon hat ei ferdreeg.

Literatüür

• Ströntistel, en dacht faan Jens Mungard

Ferwis efter bütjen

 Wikimedia Commons hää bilen of filmer tu: Dünemfisler 

 Wikispecies hää en artiikel tu: Dünemfisel 

Diheer artiikel as uun det list faan gud artiikler, diar det leesen luane apnimen wurden. Uun uugenblak jaft at diar 29 faan.