Abodriiten
 Tekst üüb Fering
|
A Abodriiten (uk Obodriiten, Abotriiten, Obotriiten an Bodriitsen, üüb Latiins: Abodriti of Obodriti) wiar en ferbant faan Ialewslaawen, diar faan det 8. juarhunert tu det 12. juarhunert uun a uast faan Holstian an uun a waast faan Meklenborig faan nü lewet. A nööm faan a ferbant kaam faan en stam, diar trinjenam Wismar an Schwerin lewet an en wichtig rol uun a ferbant spelet. Öler stamen, wat tu a ferbant hiart, wiar a Wagriern, Travnjaanen, Polaaben, Kesiinern, Warnoowern (Warnabi), Sirsipaanen (Circipanes), Smeldingern, Beteensern an Linoonen. Jo wiar frinjer faan't Frankenrik oner Karl di Grat an jin a Saksen streed. En prins faan a Abodriiten, Pribislaw († 1178), hee det Hüs Meklenborig grünjlaanj.