Angela Merkel

Faan Wikipedia
Zur Navigation springen Zur Suche springen
Foehr.svg Tekst üüb Fering


Angela Merkel (2019)

Angela Dorothea Merkel (bäären üüs Angela Dorothea Kasner; * 17. Jüüle 1954 uun Hamborig) as en tjiisk poliitiker faan det CDU. Hat as sant 22. Nofember 2005 bundeskansler faan det Bundesrepubliik Tjiisklun. Faan 10. April 2000 tu 7. Deetsember 2018 wiar hat uk det CDU-bundesföörstwüf.

Uk wan Merkel uun Hamborig bäären wurd, as hat man uun det DDR apwooksen, auer dat san aatj, Horst Kasner (1926–2011; bäären Kaźmierczak), diar uun Quitzow uun Brandenborig prääster wurden as. 1973-78 hee hat uun Leipzig Füüsik studiaret an en dochtertiitel maaget. De 3. September 1977 hee hat do Ulrich Merkel befreid. Jo wiar man bluat fiiw juar befreid: jo wurd 1982 skääsd. Fjauer juar leeder liar Merkel Joachim Sauer keenen. 1998 befreid hat tu't naist feer.

Faan Janewoore 1991 tu Nofember 1994 wiar hat Bundesminister för Wüfhööd an't Jong Lidj an diarefter tu Oktuuber 1998 Bundesminister för Amwäält, Natüürskül an Reaktoorseekerhaid.